Jendarmea ezusteko enfrentamenduan hil zela esan dute sei akusatuek
ETAko 6 kideren kontra Parisen hasitako epaiketan, sei akusatuek adierazi dute Jean-Serge Nerin jendarmea "ezusteko enfrentamendu" batean hil zela, ETA behin betiko jarduera armatua uzteko pausoak ematen ari zenean.
Gaurtik aurrera, ETAko sei kide epaituko dituzte Parisko Gai Penaletarako Auzitegian, Jean Serge Nerin Frantziako poliziaren hilketa argitzeko hasitako prozesuan. ETAk hildako azkeneko pertsona eta Frantziako polizia bakarra izan zen.
Arkaitz Agirregabiria akusatuetako batek Nerinen heriotzaren testuingurua azaldu du. 2010eko martxoaren 16an ETAk bost auto lapurtu zituen Villiers en Biereko kontzesionario batetik eta, ondoren, ETAko kideen eta poliziaren artean izandako tiroketan, polizia bat hil zen. Agirregabiriak azpimarratu duenez, Poliziak tiro egin zieten eta ETAko kideek tiroei erantzun zieten. Tiroketaren ondorioz, Joseba Fernandez atxilotu zuten eta jendarme bat hil zen. Dena den, nabarmendu du larriagoa izan zitekeela.
Frantziako Polizia 2010eko martxoaren 16an hil zuten ETAko kideek, hainbat ibilgailu lapurtu ostean, Parisetik 50 bat kilometrora.
Auzipetutako sei lagunek ETAko kideak direla aitortu dute, eta Mikel Carrerak, Auzitegiko aretora sartu denean, "Gora ETA!" oihu egin du.
Ondoren, nork bere burua aurkezteko unean, hau esan du Carrerak: "Mikel Carrera Sarobe naiz. ETAko militantea naiz 1972ko maiatzaren 30etik" (bere jaiotze data).
Gero, Izaskun Lesakak, auzipetu guztien izenean (Lesaka bera, Carrera, Joseba Fernandez Aspurz, Josu Urbieta Alcorta, Arkaitz Agirregabiria eta Xabier Goienetxea), mezu bat irakurri du. Mezu horren bitartez, guztiak "ETAko militanteak" direla esan du. Espainiako eta Frantziako estatuek Euskal Herria "okupatzen" dutela eta, ez diote auzitegiari "inolako zilegitasunik" aitortu, eta ez dituzte ohiko errespetu keinurik egingo: Ez gara zuen aurrean altxatuko".
Akusazio partikular gisa, Poliziaren senideak zeuden. Robert Gastone Goienetxearen abokatua, tiroak egiteagatik auzipetutako bi lagunetako baten (bestea Carrera da) defentsa abokatua, biktimaren senideei zuzendu zaie: "Kasu hau tragedia bat da. Jean-Serge Nerinek ez zuen hil behar".
Auzitegiko presidenteak gaur azaldu duenez, prozesua bost astekoa izango da, eta abenduaren 2an emango dute ebazpena.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.