Hiru urte eta erdiko zigorra eskatu dute Zierbenako alkate ohiarentzat
Bizkaiko Fiskaltzak hiru urte eta sei hilabeteko espetxe-zigorra eskatu du Marce Elorza (EAJ) Zierbenako alkate ohiarentzat diru publikoa bidegabe erabiltzegatik eta sozietate delituagatik. Gainera, zortzi urterako erabat gaintasungabetzea eskatu du, zinegotzi bat sozietate bateko kontseilari delegatu karguan mantendu zuelako inolako kontraturik sinatu gabe.
Barakaldoko epaitegiak auzipetu zuen Zierbenako alkate ohia, sozietate delitua, prebarikazioa eta diru publikoa bidegabe erabiltzea leporatuta. Elorzak Eugenio Barquin zinegotziari 50.000 eurotik gorako soldata ordaintzen zion, Zierbena Portua SL enpresako kontseilari delegatua balitz moduan, nahiz eta kontraturik izan ez.
Barquin 2005ean izendatu zuten Zierbena Portuko kontseilari delegatu, eta, ondorioz, 50.000 eurotik gora kobratzen zituen urtean. 2007an, beste kontratu bat sinatu zuen, 2011ko udal hauteskundeen ondorioz administrazio kontseilua desegiten zenean bertan behera gelditu zena.
Alabaina, hauteskunde horien ostean eta administrazio kontseilu berria izendatu arren, Barquinek kontseilari delegatuaren soldata kobratzen jarraitu zuen, administrazio kontseiluko kide berriak eta Zierbenako Udaleko zinegotziak kontra agertu arren.
Kontseilari berrien arabera, kargua berriro hartuz gero, soldatarik kobratu gabe egin beharko zukeen, baina proposamena ez zen gauzatu, horretarako gehiengo nahikorik egon ez zelako.
Barquinek sozietatean eragindako gastuagatik kontseilariek aurkeztutako kexa bideratu ez izana leporatzen dio fiskalak Elorzari; izan ere, kontseilari berriek Barquin kargutik kentzeko 2012ko maiatzean egindako idatzia baliorik gabe utzi zuen Elorzak.
Hori horrela, sozietate delitua egin izana leporatu diote, informazio eskubidea urratzeagatik eta jarduera sozialaren kudeaketa eta kontrola ukatzeagatik. Ildo berean, bide publikoa bidegabe erabiltzea egotzi dio, Barquini 2011ko abuztutik 2012ko abuztura bitartean ordaindu zizkion nominengatik.
Hiru urte eta sei hilabeteko kartzela-zigorraz gain, 5.400 euroko isuna eta zortzi urterako erabat gaitasungabetzea eskatu du fiskalak Zierbenako alkate ohiarentzat.
Zure interesekoa izan daiteke
Begoña Gomez epaitzea erabaki du Peinado epaileak eta pasaportea kendu dio
Espainiako Gobernurko presidentearen emazteak ustez egin izango lituzkeen delituak ikertzen ari da epailea eta ahozko epaiketa aurreko fasean hartu ditu kautelazko neurriak. Espainiatik ateratzea debekatu dio eta hamabosetan behin epaitegian agertu beharko du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.