Def con Dos taldeko burua berriro epaituko dute, ETA goratu duelakoan
Auzitegi Nazionalak (AN) Cesar Strawberry Def con Dos taldeko abeslaria epaitzea agindu du, Twitterren idatzitako zazpi mezutan terrorismoa goratu zuelakoan. Mezuotan, besteak beste, "GRAPOkoak faltan" sumatzen zituela esan eta Jose Antonio Ortega Lararen bahiketa defendatu zuen.
Zigor Arloko Laugarren Sekzioko Aretoak zabaldutako auto baten bidez, Auzitegi Nazionalak baliorik gabe utzi du Jose de la Mata epaileak urrian emandako ebazpena. De la Matak ez zituen delitutzat hartu adierazpen horiek.
Erregeari irainak egitea iritzita egindako eskaera bat, berriz, atzera bota du Auzitegi Nazionalak.
2013an eta 2014an idatzitako mezuak, ANren arabera, "ezegokiak, lekuz kanpokoak eta zoritxarrekoak" dira, eta baliteke "terrorismoa goratu eta biktimak iraindu izana".
Zehazki, Angela Murillo, Teresa Palacios eta Juan Francisco Martel (ebazpenaren txostengilea) magistratuen ustez, terrorismoa goratzeko balizko delitu hori hiru mezutan egin zuen. "Esperanza Aguirre PPko politikariaren konplexurik gabeko faxismoak GRAPOkoak faltan sumatzea eragiten dit", idatzi zuen batean; "Zenbatek jarraitu beharko luketen Carrero Blancoren hegaldia", beste batean; eta Espainiako erregeari zer oparituko liokeen galdetuta, "bonba-opil bat", erantzun zuen.
Cesar Strawberry maiatzaren 19an atxilotu zuen Guardia Zibilak, bestea 18 pertsonarekin batera, 'Armiarma' operazioaren hirugarren fasean. Abeslariak ukatu egin zuen bere kontuan halako mezurik bota izana, eta Guardia Zibilak ebatzi zuen mezuok ez zirela idatzi atzeman zizkioten gailuetatik.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.