Horrelakoa izango da inbestidura saioa
Kataluniako Parlamentuak Carles Puigdemont (CDC) Gironako alkate eta AMIko presidente izendatuko du Generalitateko 130. presidente. 2010etik, bost urtez, presidente izan den Artur Mas ordezkatuko du karguan.
Inbestidurako osoko saioa 17:00etan abiatuko da eta ezohikoa izango da: igandez egingo da eta presidentea aukeratzeko epea agortzear dela. Izan ere, gauerdian amaitzen da presidente berria izendatzeko epea.
Carles Puigdemonten hitzaldiak emango dio hasiera saioari, 17:00etan, eta ez du denbora mugarik izango. Ondoren, taldeen txanda izango da. Talde bakoitzak (sei talde dira) 30 minutuko txanda izango du. Ondoren, Puigdemontek erantzungo die, banaka edo denei batera egin dezake. Taldeek erreplika egiteko aukera izango dute gero. Ondoren izango da bozketa; 21:00ak aldera.
Azken unea
Junst pel Sik eta CUPek azken unean itxitako akordioaren ondoren dator gaurko inbestidura. Duela egun gutxi ezinezkoa zirudien akordioa erdietsi zuten atzo. Izan ere, Mas presidente izan edo ez zen eztabaidagai nagusia.
Azken asteetan ezezkoa esan badu ere, Masek amore eman du eta "alde batera" jarri dela esan zuen atzo. Dena dela, politika ez duela utziko adierazi zuen, prozesuaren alde lanean jarraituko duela eta aurten berritze prozesua egingo duen bere alderdian lanean ariko dela aurreratu zuen.
68 boto
Lehen itzulian presidente izendatzeko Puigdemontek gehiengo osoa behar du (68 boto). Hori dela eta, Junts pel Siren 62 diputatuei CUPek dituen 10 diputatuetatik 6 batu behar zaizkio derrigorrez. Masek adierazi duenez, gehiago izatea espero du.
Joan den azaroan egin zen inbestidura saioan Mas izan zen hautagai. Orduko hartan 62 boto jaso zituen, CUPeko diputatuek ezezkoa eman zutelako, gainerako oposizioko taldeek bezala.
Jardunean den Generalitateko presidenteak larunbateko agerraldian adierazi duenez, Junst pel Siren eta CUPen akordioak egonkortasuna emango dio legegintzaldiari. Horregatik, CUPen botoak giltzarri izango dira. Junts pel Sik 62 diputatu ditu, independentziaren alde ez dagoen oposizioak 63 –Ciudadanos, PSC, PP eta SiQuespot-. Horrenbestez, CUPeko 10 dipuatuek izango dute giltza. Atzo erdietsitako akordioaren arabera, CUPeko bi diputatu Junts pel Siren taldera igaroko dira.
Kataluniako Parlamentuan demokrazia ezarri zenetik, lehen aldiz hiru bozketa egin behar izango dira (Masek ez zuen gehiengorik lortu lehengo bi bozketatan) hautagai bat presidente izateko. Gainera, hautagai bat aldatzen den lehen aldia da.
1980tik lau presidente izan ditu Kataluniak: Jordi Pujol, Pasqual Maragall, Jose Montilla eta Artur Mas, Bartzelonako zerrendaburuak denak ere. Puigdemont Gironako zerrendetan joan zen, hirugarren tokian.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.