Puigdemontek 'Kataluniaren borondatearekiko leialtasuna' agindu du
Carles Puigdemont Generalitateko presidente berriak karguaren zina egin du eta “Kataluniako Parlamentuak ordezkatzen duen herritarren borondatearekiko leialtasuna” agertu du.
Generalitateko Jauregian egindako ekitaldi instituzionalean, Carmen Forcadell Kataluniako Parlamentuko presidenteak saihestu egin du Espainiako erregea eta Konstituzioa aipatzea eta honela zuzendu zaio Puigdemonti: "Zin egiten duzu Parlamentuan ordezkatuta dagoen Kataluniako herritarren borondatearekiko leialtasunez jardungo duzula Generalitateko presidente karguan?"; Puigdemontek baiezkoa eman du.
Puigdemontek Estatu propioa aldarrikatu du Kataluniarentzat eta independentzia egingarria dela azpimarratu du. “Ezinezkoa dela esatea iritzi bat da”, erantsi du Albert Rivera Ciudadanoseko buruzagiak egin zuen adierazpena bere eginez.
Bestalde, Estatu espainiarraren aurka egin du, Katalunia finantziazioaren ikuspuntutik “itota eta umiliatuta daukalako”.
Espainiako Gobernuak Katalunian inbertsiorik egiten ez duela eta bere nortasuna gutxiesten duela salatu du.
Gauzak horrela, Kataluniako Gobernu berriak "autonomiatik harago joango den lanabesak" behar dituela nabarmendu du.
Puigdemontek azaldu du bere asmoa Kataluniako herritarren bizi eta lan baldintzak hobetzea dela; kalitatezko zerbitzu publikoak bermatzea; ingurumena zaintzea; eta Katalunia nazioartearekiko solidarioa izatea.
Alabaina, “herritarrei argi eta garbi esan behar diegu hori guztia ezinezkoa dela Katalunia autonomikoan”, erantsi du.
Artur Mas eta Carme Forcadell alboan zituela, Gaziel kazetariaren aipu bat erabiliz amaitu du agerraldia: “Hutsegin dezaket, baina erostezina naiz. Parlamentuaren mandatua ohore handiz beteko dut”.
Puigdemonten kargu-hartze ekitaldian Jorgre Fernandez Diaz jarduneko Barne ministroa eta Llanos de Luna Espainiako Gobernuak Katalunian duen ordezkaria izan dira.
Bestalde, Estatuko Abokatutzak dagoeneko iragarri du Carles Puigdemontek Generalitateko presidente kargua hartzeko ekitaldian Konstituzioaren zina ez egiteagatik deliturik egin duen ala ez argitzeko neurriak hartuko dituela.
artuko dituela.Zure interesekoa izan daiteke
Ikertzaileek uste dute Zapaterok etxetik ematen zituela "jarraibide" nagusiak
Espainiako presidente ohiak Madrilgo Las Rozas auzoan duen bizitokia ustezko ustelkeria sarearen gune garrantzitsua zela dio UDEFen txostenak, nahiz eta epaileak ez zuen eman hura miatzeko baimenik.
Semperrek EAJri eskatu dio Estebanen hitzekin "koherente" izateko
Datorren asteazkenean, PPk mozio bat aurkeztuko du Senatuan, Espainiako Gobernuaren jokabidea gaitzestea eskatzeko. Hedabideen aurrean egindako agerraldian, Borja Semper PPko bozeramailea Gobernua babesten duten alderdiei zuzendu zaie, eta bereziki EAJri, ekimena babestea eskatzeko. Uste du aukera aparta dutela jeltzaleek Aitor Esteban EBBko presidenteak asteburuan esandakoekin "koherente" izateko.
Arartekoak ofiziozko espedientea ireki du Ertzaintzak Loiun izan zuen jokabidearen aurrean
Ebazpenean, Arartekoak adierazi du "gertaeraren larritasunak eta horrek izan duen eraginak" bultzatuta hartu duela espedientea zabaltzeko erabakia, egiaztatu nahi duelako indarraren erabilera eta Barne Arazoetarako Buruzagitzak abiatutako barne ikerketa bat datozen "aplikatu beharreko arauekin eta Segurtasun Sailak ekintza polizialen inguruan zehaztutako jarraibideekin".
Nafarroako Parlamentuak atzera bota ditu Athleticen elastikoaren aurkako bi ekimen
Adierazpen instituzionalerako bi proposamenetan, UPNk eta Voxek Parlamentuari eskatu diote Athleticek ekipazio berrian Nafarroa Euskal Herriko mapan sartu izana salatzeko.
Podemosek Bingen Zupiriaren dimisioa eskatu du, Ertzaintzak flotillaren aurka erabilitako "basakeria polizialagatik"
Pablo Fernandez Podemoseko bozeramaileak "gaitzesgarritzat" jo du ertzainen jokabidea. Sumar alderdiko legebiltzarkide Jon Hernandezek salatu du Ertzaintzaren jarduna “argi eta garbi neurrigabea” izan zela.
Sanchezek Espainiako Gobernuaren kudeaketa defendatu du eta jarraitzeko prest dagoela adierazi du
Espainiako presidenteak adierazpenok egin ditu Estebanek atzo esandakoen ondotik; izan ere, buruzagi jeltzaleak legegintzaldia aurten amaitzeko eskatu zion presidenteari, jarraitzea “arduragabekeria” litzatekeela iritzita.
Begoña Gomezen katedra aurreikusitako araudiaren arabera sortu zela ondorioztatu du UCOk
UCOk Juan Carlos Peinado epaileari bidalitako txostenen arabera, katedra aurreikusitako izapideen arabera sortu zen, eta Gomezen banku-kontuen informazioa "bat dator jarduera profesionalen garapenarekin". Hala ere, irregulartasunak topatu ditu katedraren softwarea garatzeko bi enpresei egindako kontrataziotan: Deloitte Consulting eta Making Science Group.
Coalicion Canariak legegintzaldia amaitutzat eman du, eta EH Bilduk eta Sumarrek jarraitzeko eskatu diote Sanchezi
Arnaldo Otegik La Vanguardian egindako elkarrizketa batean adierazi duenez, legealditik geratzen denak "helburu bat izan behar du".
Coalicion Canariak legegintzaldia bukatutzat eman du eta hauteskundeak eskatu ditu: "Herritarrek gobernu berria aukeratzeko momentua da"
Konfiantza-mozioa eskatu dio Sanchezi, eta PPk zentsura-mozio baterako deitu ez diola esan du, ez dizkiotelako zenbakiak ematen.
Diez-Antxustegi: "EAJ oso kritikoa da Sanchezekin, baina horrek ez du esan nahi Feijoo babestuko dugunik"
Bestalde, "larunbatean Loiun eta Mendizorrotzan ikusitako irudiak ez zitzaizkidan gustatu", adierazi du Ertzaintzak flotillako ekintzaileekin izandako jokabidearen inguruan.