Ezker abertzaleak amaitutzat eman du 'Abian' prozesuaren lehen fasea
Ezker abertzaleak amaitutzat eman du "Abian" gogoeta prozesuaren lehendabiziko fasea; entzute eta harreman fase horretan 9.000 lagunek parte hartu dute, euskal presoek barne, eta 719 ekarpen jaso dituzte.
Marije Fullaondo ezker abertzaleko kideak eta Iñigo Arroyo LABeko kideak lehendabiziko fase horren balorazioa aurkeztu dute, gaur, Donostian egindako prentsaurrekoan.
Jasotako ekarpenak eta "eremu publikoan" hainbat lagunek egindako hamaika hausnarketa kontuan hartuta, -tartean, Rufi Etxeberriak eskainitako prentsaurrekoa-, talde eragileak "eztabaidarako dokumentua" osatuko du. Bigarren fasean, aipaturiko "eztabaidarako dokumentua" eztabaidatuko dute auzoetako eta herrietako batzarretan.
Fullaondok azaldu duenez, aipaturiko dokumentuak hainbat atal izango ditu: "Zutik Euskal Herria" estrategiaren garapenaren balantzea, egungo egoera politikoaren azterketa, ezker abertzaleak "estrategia eguneratzeko" proposamena eta estrategia hori aurrera eramateko militantziak egindako antolaketa eredua.
Bigarren fasean, otsailaren 27tik aurrera, hiru eztabaida saio egingo dituzte auzo eta herri bakoitzeko batzarretan behin-betiko dokumentua onartu arte.
Euskal presoek dokumentua esku artean izatea nahi dute sustatzaileek, eurek ere eztabaida prozesuan parte har dezaten; izan ere, "euren ekarpena besteena bezain baliotsua da". Hori dela eta, protesta martxak egingo dituzte otsailaren 20an euskal presoak dauden Espainiako eta Portugalgo espetxe guztietara "sakabanaketak eztabaida modu egokian egitea eragozten duela salatzeko".
ela salatzeko".Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.