Solchaga jeneral frankistaren dominaren enkantea, bertan behera
Jose Solchaga jeneral frankistari garaiko erregimenak emandako sarien enkantea bertan behera uztea erabaki zuen atzo enkante-etxeak, objektuok errematera ateratzeak "euskal gizartearen zati handi baten sentikortasunari min eman diolakoan".
Aurrez enkantea eteteko eskaera egina zion Fiskaltzari EH Bilduk, Memoria Historikoaren Legearen 15. artikulua urratzen zuela argudiatuta.
Atzo, martxoaren 1ean, 19:30ean zen egitekoa saioa, Erandion. Solchagari emandako sarien artean, 1938an Bilboko udal frankistak Jose Solchaga jeneralari emandako urrezko domina zegoen. Bilboko Udalak 2001ean erretiratu zion merezimendua Francoren aldeko militarrari.
II. Errepublikaren kontra altxatu zen Jose Solchaga, 1936ko uztailean. Iruñean zegoen, Mola jeneralaren agindupean. Gipuzkoa hartzeko zutabetako bat zuzendu zuen, eta 1937an Nafarroako taldearen buruzagi egin zuten.
Enkante-etxeak ohar batean adierazi duenez, "ideologia gorabehera, gure euskal kulturarako interesa eduki lezaketen margo, eskultura, altzari eta bestelako objektuak sailkatu, mantendu eta partekatzea" da bere lana.
EH Bilduk Fiskaltzari bidalitako idatzian salatu zuenez, objektu horiek ez dira euren balio ekonomiko edo artistikoagatik saltzen ari. Koalizio abertzalearen iritzian, "Errepublikaren kontrako altxamendu militarraren buruzagietako bat goratuz eta erakundeen emandako sariak izan zirela azpimarratuz" saldu nahi dituzte objektuok.
Zure interesekoa izan daiteke
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.