Eskola-jantokien auzia Fiskaltzara eramatea eskatu du Legebiltzarrak
Eusko Legebiltzarrak Jaurlaritzari eskatu dio Fiskaltzaren aurrera eraman dezala Lehiaren Euskal Agentziaren txostena, eskola publikoetan jantoki-zerbitzua ematen duten zortzi enpresek prezioak adostu zituztela dioena, hain zuzen ere.
Aipatu ebazpena Ganberaren osoko bilkurak onartu du, ostegun honetan izan duten eztabaidaren ostean (EH Bildu, PP eta UPyD alderdiek hala eskatuta). Azkenean, EH Bilduk zuzenketa bat adostu du EAJ eta PSErekin batera. Zuzenketa horrek UPyDren aldeko botoa eta Alderdi Popularraren kontrakoa jaso du.
Lehiaren Euskal Agentziak 18 milioi euroko isuna ezarri zien joan zen hilean Euskal Autonomia Erkidegoko eskola publikoetan jantoki-zerbitzua emateko kontratua izan duten zortzi enpresari. Erakunde horrek frogatutzat jotzen du enpresa horiek zerbitzuaren prezioa adostea erabaki zutela merkatua euren artean banatzeko, lehiaren arauak urratuz.
Ekimen horren bidez, Legebiltzarrak Eusko Jaurlaritzari eskatu dio iker dezala kasu horretan ondare-kalterik gertatu ote den, eta, hala badagokio, has ditzala "beharrezkoak diren legezko ekintzak, diru-kutxa publikoari ordaina emateko".
Horrez gain, sektoreko agenteekin lanak areago ditzala ere eskatu dio Gobernuari, eskola-jantokien kudeaketa-eredua moldatu eta ikastetxe bakoitzak hauta ahal izan dezan zerbitzu hori kudeatzeko erarik aproposena.
Alderdien arteko eztabaidan, PPk eta EAJk elkarri zuzendu dizkieten gaitzespenak nabarmendu dira. Alderdi Popularreko Iñaki Oyarzabal legebiltzarkideak adierazi duenez, "honako hau ustelkeria kasu bat da", eta irregulartasunen "jatorria" Eusko Jaurlaritzak diseinatutako kontratazio-sisteman bertan dagoela esan du. Bere alderdiak ez du babestu onartutako zuzenketa, nahikoa ez dela iritzi baitio.
Juan Antonio Arieta-Araunabeña EAJko legebiltzarkideak Oyarzabali aurpegiratu dio auzi horren nondik norakoen erantzule egungo Gobernua egin nahi izatea, Lehiaren Euskal Agentziak zigortu duen akordioa 2003koa denena.
Bere aldetik, Iñaki Lazarobasterrek (EH Bildu) eskola-jantokien zerbitzua arautzen duen sistema hobetzearen beharra nabarmendu du. Hori dela eta, ikastetxe bakoitzak zerbitzu hori ematen duten enpresekin “zuzenean negoziatzeko aukera” izateak duen garrantzia azpimarratu du.
Jose Antonio Pastor PSEren bozeramaileak esan du, auzi horrek argiro utzi duela kontratazio publikoaren esparruan “merkatu gatibuak” daudela, eta egoera horri aurre egin behar zaiola.
Azkenik UPyD alderdiak, bere eledun Gorka Maneiroren bidez, enpresen artean adostutako prezioek “200 milioi euroko gain-kostua” ekarri dutela salatu du; horrez gain, kritikatu egin du urteetan zehar ondorengo gobernuek nahiago izan dutela “albo batera begiratzea”.
ra begiratzea”.Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.