Sanchez:'Aldaketaren gobernutik gertuago eta bozetatik urrunago gaude'
Pedro Sanchez PSOEren buruak esan du Espainia "gertuago" dagoela aldaketaren gobernutik eta "urrunago" hauteskundeen errepikapenetik, Podemosekin eta Ciudadanosekin akordioa egitea posible ikusten duelako.
Horixe adierazi du Sanchezek Kongresuan, Pablo Iglesias Podemosen idazkari nagusiarekin bildu ostean, eman duen prentsaurrekoan.
Azaldu duenez, Sanchezek "161en bidea" (PSOE, Podemos-En Comu-En Marea, Compromis eta IU-UP) hartzeko Iglesiasek egin dion proposamenari "199en bidea"rekin erantzun dio (PSOE, Podemos eta Ciudadanos).
"Gehiengoaren bidea" hori dela defendatu du, gehiengo osora heltzen den bakarra dela, eta espainiarren gehiengoak abenduaren 20an bozkatu zuena hobekien ordezkatzen duela.
"Hitz eginez" eta "negoziatzen" Podemosekin puntu horretan dagoen desadostasuna "konpondu" egin daitekeela ziurtatu du, eta horretarako "hiruko mahaia" proposatu, bertan PSOEk, Ciudadanosek eta Podemosek "200, 300 edo 400 neurri adostu" eta Parlamentuan onartzeko.
"Gobernu parlamentarioa egin dezagun legegintzaldi honetan, benetako gobernu bihur dezakegu ganbera hau", proposatu du buruzagi sozialistak.
Sanchezek, bestalde, azpimarratu du gaurko bileraren "urrats handiena 100 egunez negoziatzen aritu ostean, azkenean" Iglesiasek "PSOErekin eta Ciudadanosekin hitz egiteari baiezkoa ematea" izan dela.
Pedro Sanchez, bileraren ostean. Efe
Iglesiasek uko egingo lioke Gobernuan sartzeari
Iglesiasek, bere aldetik, iragarri du PSOEren Gobernuan sartzeari uko egiteko prest dagoela, horrek Podemosen eta PSOEren arteko koalizio aurrerakoiari bide ematen badio. Dena dela, Podemoseko norbaitentzat nahi du presidenteorde kargua, eta Gobernua proportzionaltasunez osatzea.
Iglesiasek Sanchezek baino lehentxeago eman du prentsaurrekoa, bi mandatariek egin duten bi orduko bileraren ondoren. "Oso gustura" atera omen da bertatik, "elkarrizketarekin jarraitzeko borondatea" agertu dutelako biek.
Hala, aurrerantzean PSOErekin negoziatzeko taldeko buru izango dela azaldu du, alderdien hauteskunde programez eztabaidatzeko, "akordiora iristeko elementu asko" daudelakoan baitago.
Gainera, Albert Rivera Ciudadanosen presidentearekin biltzeko prest agertu da, nahiz eta alderdi horrekin gobernu bat osatzea errefusatu, PPren politikak atzean uztea ahalbidetuko lukeen gobernua osatzeko lagun dezala eskatzeko.
Iglesiasek berretsi du bere gobernu eredua "161ena" dela (PSOE, Podemos, IU eta Compromis), "130ena (PSOE eta Ciudadanos) baino eraginkorragoa, seguruagoa eta hobea" dela iritzita.
Hori dela eta, "'Valentziako erara' gobernua osatzeko" bere presentzia "oztopoa" bada, "gobernuan ez sartzeko prest" omen dago. Azaldu duenez, Sanchezek esan dio PSOEko kideek ez luketela ondo hartuko bera Gobernuan egotea. "Oztopoa ni banaiz, ez dago arazorik", berretsi du.
Iglesiasek proposamena egin du Kataluniako erreferendumaren inguruan ere. Bere jarrera "betikoa" omen da, baina eskaintza helarazi dio Sanchezi, ?Miquel Iceta PSCren buruak eta Xavier Domenech En Comu-Podemen buruak adostasuneko proposamen bat" egin dezaten. Pedro Sanchezi ez omen zaio gaizki iruditu.
Pablo Iglesias, bileraren ostean. Efe
C?s-ren babesik, ez
Jose Manuel Villegas Ciudadanosen idazkari nagusiordeak ezezko borobila eman dio Iglesiasi, ez omen du "inola ere" Podemos barne hartzen duen Gobernu bat babestuko.
"Mezua jaso eta erantzun dugu", azpimarratu du Villegasek, Iglesiasek Ciudadanosi PSOE-Podemos Gobernua errazteko abstentzioa edo aldeko botoa eman dezala eskatu ostean.
Ciudadanosek ez du arazorik, hala ere, Podemosen abstentzioarekin, horrek PSOE-Ciudadanos Gobernua ahalbidetuz gero.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.