Kartzela saihesteko akordioa ixtekotan da Arraiz Calparsororekin
Segurako polizia-operazioan atxilotutako ezker abertzaleko 35 auzipetuek bezala, litekeena da Hasier Arraizek ere akordioa lortzea EAEko Auzitegi Nagusiko Fiskaltzarekin eta kasuko akusazioekin, kartzelan sartzea saihesteko. Juan Calparsoro fiskalburuak Eusko Irratiari baieztatu dionez, aldeak negoziatzen ari dira, eta hari-mutur batzuk falta diren arren, akordioa aste honetan bertan itxiko dute.
"Elkarrizketak egin ditugu, eta espero dugu aste honetan akordioa lortzea. Jarrera ezberdinak ditugu guztiok, baina helburu bera dugu", aitortu du Calparsorok.
ETAko kide izatea onartuta, EH Bilduko legebiltzarkidea ez litzateke kartzelan sartu beharko. Dena dela, kargu publikorako desgaikuntza berezia ezarriko liokete, eta, horrenbestez, ezingo litzateke EAEko hurrengo hauteskundeetara aurkeztu.
Segurako polizia-operazioan atxilotutako 35 auzipetuek akordioa erdietsi zuten urtarrilean Auzitegi Nazionaleko Fiskaltzarekin eta 04/08ko sumarioko akusazioarekin, eta espetxea saihestu zuten. Trukean, Batasuna, EHAK eta EAE/ANV alderdietako kideek onartu egin zuten ETAri lagundu izana eta biktimei egindako "kaltea", eta uko egin zieten "indarkeriarekin lotutako jarduerei".
Arraiz foruduna izanik, EAEko Auzitegi Nagusiak epaitu behar zuen, eta hainbat atzerapenen ondotik, maiatzaren 9an hasi behar zen auzi-saioa.
Dena dela, dena ondo bidean, epaiketarik ez da izango azkenean. Aldeek ixtekotan duten akordioaren arabera, Arraizi bi urteko kartzela zigorra eta kargu publikoan aritzeko debekua ezarriko liokete.
ETAk "bere nahierara erabili" zuela onartu beharko luke Sortuko presidenteak, baita biktimei egindako "kaltea" ere. Horrez gain, "indarkeriarekin lotutako jarduerei" uko egin beharko lieke.
Aurrez, Fiskaltzak sei urteko kartzela zigorra eta kargu publikoan beste hainbeste urtez aritzeko debekua eskatu zuen Arraizentzat. Herri akusazioa ziren AVT (Terrorismoaren Biktimen Elkartea) eta Dignidad y Justicia elkarteek, berriz, 10 urteko espetxe zigorra galdegin zuten.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.