Javier Esparza UPNko presidente berrautatu dute, % 83ren babesarekin
Javier Esparza UPNko presidente berrautatu dute militanteen % 83ren babesarekin, gaur alderdi erregionalistak Iruñeko Baluarte jauregian egin duen 10. kongresuan.
Beraz, Esparzak UPNko buru izaten jarraituko du; hain justu, bera zen hautagai bakarra. Javier Esparza 2015eko irailean aukeratu zuten alderdi erregionalistako buru, Yolanda Barcina UPNko presidente ohiak dimisioa eman ostean.
Zuzendaritza berritzeko kongresua izan da gaurkoa; izan ere, presidenteaz gain alderdiko presidenteordea eta idazkari nagusia ere aukeratu dituzte. Yolanda Ibañez Milagroko alkatea izango da aurrerantzean alderdi erregionalistako idazkari nagusi (% 73ko babesa) eta orain arte idazkari nagusi izan den Oscar Arizcuren (% 74), ostera, presidenteorde. Esparzaren kasuan bezala, Ibañez eta Arizcuren ziren kargurako hautagai bakarrak.
Halaber, UPNko kongresuak aho batez onartu ditu alderdiaren estatutu berriak. Hala, datozen lau urteetarako ildo politikoa finkatu du.
Erregionalistek onartutako aldaketen aurrean bi kontu nabarmendu daitezke: hauteskundeetarako hautagaien zerrendak "primarioen" edota alderdi barruko hauteskundeen bitartez aukeratzea eta alderdiko kargu publikoen agintaldiak mugatzea.
Nafarroako Foru Gobernurako presidentegaia eta Espainiako Diputatuen Kongresurako zein Senaturako hautagaiak barne hauteskunde bidez aukeratuko dituzte. Agintaldiei ezarritako mugari dagokionez, Nafarroako Foru Gobernuko presidente, Nafarroako Parlamentuko presidente, Foru parlamentari, diputatu, senatari eta 10.000 biztanletik gorako alkate diren alderdikideek ezingo dituzte bi agintaldi baino gehiago egin jarraian -edota zortzi urte natural-, Kontseilu Politikoak edo alderdiaren batzarrak kontrakoa erabakitzen ez badu behintzat. Halaber, ezingo dute bi agintaldi edo zortzi urte natural baino gehiago egin jarraian alderdiko zuzendaritzan.
Alderdiko presidente aukeratua izan ondotik alderdikideen aurrean egin duen hitzaldian, Javier Esparzak nabarmendu du hasi dela UPNk Foru Gobernua, mankomunitateak eta udalak berreskuratzeko atzerako kontaketa. Gaur egungo Foru Gobernua "nazionalista eta alderdikoia" dela esateaz gain, nafar guztientzat ez gobernatzea egotzi dio Uxue Barkosen Gobernuari. Ildo horretan, Gobernu horri "egun bat gutxiago" gelditzen zaiola gaineratu du.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.