Bonbardaketako biktimak gogoratu dituzte Gernikan, 79. urteurrenean
Gaurko egunez duela 79 urteko bonbardaketan hildakoak gogoratu dituzte gaur Gernikan, eta Bakearen eta Berradiskidetzearen aldeko Saria jaso dute Jose Mujica Uruguaiko presidente ohiak eta Francisco Etxeberria forentseak.
1937ko apirilaren 26an Alemaniako Condor legioak eta Italiako aire armadak Gernika bonbardatu zuten, Francoren aginduz. Zibilen aurkako erasoak hainbat hildako eta zauritu eragin zituen, oraindik ere kopuru zehatza zehaztu gabe badago ere -Gernikazarra historia taldeak egindako ikerketaren arabera 200 inguru dira-. Gainera, Gernika erabat suntsituta gelditu zen.
Gernikako Udalak antolatutako ekitaldien baitan, bonbardaketaren unean Gernikako alkate zen Jose Labauria omendu dute eguna hasteko.
Aitorpen horren ondotik, udal agintariek George Steer kazetari britainiarrari omenaldia egin diote; izan ere, aipaturiko kazetariak idatzitako kronikei esker Gernikako bonbardaketak eragindako heriotzak eta kalteak mundu osoan ezagunak egin ziren. Halaber, lan horretan ere bere alea jarri zuen Pablo Picasso margolariak "Guernica" koadroarekin.
Omenaldi ekitaldi horren baitan, Gernikako Bakearen eta Berradiskidetzearen aldeko XII. Sariak banatu dira. Aurten Jose Mujica eta Francisco Etxeberria saritu dituzte, baina Uruguaiko presidente ohia ez da sari banaketa ekitaldian izan osasun arazoak tarteko.
Francisco Etxeberria antropologoak, Gerra Zibilean hildako herritarren gorpuzkiak berreskuratzeko egindako lanagatik nabarmendu da bera, bere taldeari dedikatu dio saria.
Jose Maria Gorroño Gernikako alkateak gerratik ihesi etorkizun hobeago baten bila Europar Batasunera doazen errefuxiatuei bizkarra ez emateko dei egin dien Europako agintariei. Halaber, alkatearen ekimenez, minutu bateko isilunea gorde dute errefuxiatu siriarren alde sari banaketa ekitaldiaren baitan.
Arratsaldean, etsaiaren hegazkinak zetozela zibilei ohartarazteko erabiltzen zen sirena jo dute eta hilerrian, ostera, errespontsu bat errezatu eta lore eskaintza bat egin dute Gernikako bonbardaketan hildakoen omenez.
Gernikako hilerrian egin den ekitaldian izan dira, besteak beste, Ana Oregi Eusko Jaurlaritzako Ingurumen eta Lurralde Politikako sailburua, Josu Erkoreka Eusko Jaurlaritzako bozeramaile eta Justizia sailburua, Monika Hernando Eusko Jaurlaritzako Biktimen eta Giza Eskubideen zuzendaria eta Aintzane Ezenarro Gogora Institutuko zuzendaria.
Iluntzean bonbardaketa gogoratzek antzerkia egin dute eta herritarrek manifestazio isila egin dute udalerriko kaleetan barrena, kandelak piztuta.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.