EH Bilduk proposatu dio Unidos Podemosi gizarte-eraldatzea babestea
Oskar Matute EH Bilduko bozeramaile eta Kongresurako Bizkaiko zerrendaburuak esan dio Unidos Podemosi "gizarte-eraldatzearen aldeko politikak" babestuko dituela Diputatuen Kongresuan, baldin eta sortu berri den koalizioak EH Bildurenak babesten baditu Euskadin: "Zergatik ez hemen adostu eta landu, han defendatzeko?", galdetu du Matutek.
Gainera, bermatu du EH Bilduk botoaren balio bikoitza erabiliko duela Diputatuen Kongresuan; izan ere, "gizarte-eraldatzerako subiranotasunera darama, eta, halaber, aldaketarako ere balio du".
"Euskal gizartearen bizitzari duintasuna emateko helburuak"
Bilbon emandako prentsaurreko batean, Matutek aurkeztu du zein neurri adostu dituen EH Bilduk arlo sozioekonomikoan; Matutek defendatu ditu helburu zehatzak, "euskal gizartearen bizitzari duintasuna emateko"; helburuok Euskal Herrian garatu behar dira, eta nonahi egin behar da horien alde, "Madrilen edo Europan ere".
Gizarte-eraldatzearen aldeko politikak eramatea xede, Matutek galdetu du: "Zergatik ez ditugu hemen adosten eta lantzen aukera horiek, Madrilen elkarrekin defendatzeko?". Aldaketa, Matuteren esanetan, "ezin da izan gauza bat astelehenean, beste bat asteartean, eta, asteazkenean, bestelako gauza bat".
"Jarduerari ekin"
Bozeramaileak deia egin du "ausartak izateko eta jarduerari ekiteko". Aipamena egin die EH Bilduk larunbat honetan adostutako industria-, enplegu- eta pentsio duinetarako planei; asmoa da akordio zabalak lortzea, planak gauzatu eta abian jarri ahal izateko.
"Unidos Podemos koalizioari egin nahi diogun galdera honakoa da: prest al daude lan egiteko arlo hauetan, enplegu-plan batean, plan industrial batean eta pentsio duinak lortzeko plan batean? Prest al daude hemen ezartzen hasteko? Hori egiteko prest badaude, gu ere berdin egongo gara han defendatzeko, Diputatuen Kongresuan", zehaztu du.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.