Iglesiasen ustez, egoera ez da egokia EH Bildurekin koalizioa egiteko
Pablo Iglesias Podemosen buruak azaldu duenez, "egoerak ez du ahalbidetzen" EH Bildurekin hauteskundeetarako koalizioa egitea, eta iritzi horrek alderdi barruan "babes zabala" duela uste du.
ETB-2ko 'En Jake' saioan, arratsaldean BECen ekitaldi batean parte hartu aurretik, egin dioten elkarrizketa batean azaldu duenez, "etengabe" hitz egiten du Nafarroako kideekin, eta Nafarroako Gobernuari babesa ematen dioten arren, EH Bilduren eta Podemosen iritzi politikoak "desberdinak" dira.
"Gauza bat da ausartak izatea, eta beste bat, horren desberdina den aukera politiko batekin ados jarriko garela pentsatzea", azpimarratu du.
Hauteskundeak EAEn
EAEko hauteskundeei dagokienez, Garbiñe Biurrunek 'ezetz' esan badie ere, "lehendakari izango den" hautagaia edukiko dutela adierazi du, eta azkenean bozak udazkenean badira, hautagaia bilatzeko denbora dutela gaineratu du.
Iglesiasek uste du "Podemosen mezuak harrera ona" izan duela EAEn: "Podemosek irabazi egin zuen Euskadin, lehenengo indarra izan zen".
EAEn "oso ondo dauden" gizarte politikak dauden arren, Eusko Jaurlaritzak "politika sozial hobeak" egin beharko lituzkeela iritzi dio, "ez baita ahaztu behar 10.000 gaztek atzerrira joan behar izan dutela".
Podemosen helburua EAJ kanporatzea ote den eta jeltzaleekin ituna egiteko aukerak ikusten dituen galdetuta, hauteskundeak irabaztea espero dutela eta gero "denekin hitz egiteko bilera sorta" egitea egokituko zaiela erantzun du. EAJrekin Espainian duten harremana ez dela zaila gaineratu du, baina "Euskadin ziurrenik desadostasun asko" izango dituztela.
Autogobernua
Bestalde, alderdi morearen buruak esan du "ongi" ematen diola belarrira autogobernua handitzeak, "nazioaniztasuna" defendatzen duelako, eta zentralizazioa delako "lurralde asko deseroso sentitzearen arrazoia". Gainera, autogobernuak "politika sozialen eraginkortasuna" areagotzen duela uste du.
Zure interesekoa izan daiteke
Carlos Garaikoetxeari agurra Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea Jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradalese lehendakaria, haren aurreko hiru agintariak, Eusko Legebiltzarreko presidentea eta Mahaiko kideak. Politikari eta herritar ugari ere espero dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidoseko zuzendaritzarekin bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxea agurtzeko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango dioten azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.