Arraiz ez da Sorturen presidentegai izango alderdiaren kongresuan
Hasier Arraiz Sorturen presidentea ez da alderdia zuzentzen jarraitzeko hautagai izango uztailaren 2tik aurrera egingo den kongresuan, EH Bilduko iturriek jakitera eman dutenez.
Arraiz koalizio abertzalearen bozeramaile ere bada Legebiltzarrean, baina kargu hori ere utzi egin beharko du, EAEko Auzitegi Nagusiaren zigorrak behartuta, ETAko kide izateagatik kargu publikorako gaitasungabetu baitzuen.
Ebazpenak ez du Arraiz espetxeratzea agintzen, baina bai legebiltzarkide kargua uztea, eta horregatik bere azken saioan parte hartu zuen aurreko ostegunean.
Sorturen presidenteak ez du karguan jarraitzeko ahaleginik egingo, beraz, Abian prozesua itxi ostean egingo den kongresuan. Ezker abertzalearen etorkizuneko estrategia finkatuko duen prozesu horren ostean "aurpegi berriei eta belaunaldi berriei" bidea eman nahi diela azaldu du buruzagi abertzaleak Info7Irratian.
Pernando Barrena eta Amaia Izko Sorturen bozeramaileek otsailean iragarri zuten kongresua egingo zela, 2013ko sorkuntzatik egingo den lehenengoa, baina ez zuten datarik jakinarazi.
Estatutuen arabera, kongresuak lau urtean behin egin behar dira, baina Sortuk aurreratzea erabaki zuen, Abian prozesuaren amaiera une egokia zela iritzita.
Kongresu horretan Arnaldo Otegi Sorturen idazkari nagusiak parte hartuko duela aurreikusten da, alderdiaren bozeramaileek bere papera zein izango den zehaztu ez bazuten ere.
ez bazuten ere. ez bazuten ere.Zure interesekoa izan daiteke
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz. Iruñean hil da gaur, maiatzaren 4ean.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
