De Alfonsok Mas agintetik kentzeko plan bat proposatu zion ministroari
Daniel de Alfonso Kataluniako Iruzurraren aurkako Bulegoko zuzendariak Artur Mas Generalitateko eta CDCko presidente karguetatik kentzeko plan bat proposatu zion Jorge Fernandez Diaz Espainian jardunean dagoen Gobernuko Barne ministroari.
De Alfonsok eta Fernandez Diazek 2014ko urrian izandako solasaldiaren beste grabazio bat publikatu du ostegun honetan Publico egunkariak.
Bertan entzun daitekeenez, De Alfonsok proposatutako planaren helburua zen CDCren eta ERCren arteko aliantza oztopatzea eta Katalunian independentzia erreferenduma egitea galaraztea.
Horretarako, Artur Mas presidente kargutik kendu nahi zuen Kataluniako Iruzurraren aurkako Bulegoko zuzendariak, eta bere konfiantza osokoa zen pertsona bat, Germa Gordo (orduko Justizia kontseilaria), jarri haren ordez.
"Mugimenduak egin ditut nire kabuz, eta proposamenak egin izan ditut beti", azaldu zion De Alfonsok ministroari.
Gainera, hainbat enpresaburu handik planari oniritzia eman ziotela ere esan zion. Besteak beste, hiru izen hauek eman zizkion: Isidro Faine La Caixa taldeko presidentea, Luis Bonet Freixenet konpainiako eta Espainiako Merkataritza Ganberako presidentea eta Jose Manuel Lara Planeta taldeko eta Atresmediako presidentea (iaz zendu zen).
Plana entzun eta gero, Artur Masek Generalitateko Presidentetza noiz utziko lukeen galdetu zion ministroak De Alfonsori, eta horrek "urte eta erdi barru" erantzun zion, hots, "legegintzaldia bukatu eta gero". Horren aurrean, epea luzeegia zela iritzi zion Fernandez Diazek: "Urte eta erdi testuinguru horretan eta Artur Mas Generalitateko eta CDCko buru izanda…".
Solasaldiaren grabazioak atalka publikatzen ari da Publico egunkaria. Azken egunetan argitaratutakoetan, Fernandez Diazek eta De Alfonsok ERCren eta CDCren aurka eskandaluak sortzeko eta Fiskaltza erabiliz informazio horiek hedabideetara igortzeko konspiratu zutela entzun daiteke.
De Alfonsok berak agerraldia egin du ostegunean Kataluniako Parlamentuan, eta esan du Albert Rivera Ciudadanoseko presidentearekin ere bildu zela, eta horrek "babes osoa" eskaini ziola, trukean "zerbait" kontatzen bazion, hau da, arerio politikoen aurka erabiltzeko moduko informazioa ematen bazion.
ematen bazion. ematen bazion.Zure interesekoa izan daiteke
Euskararen alorrean harago joateko eskatu dio Barkosek Chiviteri eta zonifikazioa kentzea
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano: "Akordiorik ez badago, Pradales lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.