‘Black’ txartelak soldataren osagarri bat zirela esan du Blesak
‘Black’ txartelak zuzendariei eta aholkulariei ematen zitzaizkien gainordainketak zirela ziurtatu du ostiral honetan, irailak 30, Miguel Blesa Caja Madrideko presidente ohiak Madrilgo Auzitegi Nazionalean. Hala, erakunde horren barruan zein kanpoan zeudenek txartel horien erabilera ezagutzen zutela esan du Blesak. Ildo horretatik, Espainiako Bankua eta Ogasuna horren jakinaren gainean zeudela eta inoiz ez dutela oharrik egin adierazi du Caja Madrideko presidente ohiak.
‘Black’ txartelen erabilera argitzeko epaiketa horretan, galdera batzuk besterik ez ditu erantzun Blesak: Fiskaltzak, epaimahaiak eta defentsak egin dituztenak, hain zuzen. Ustelkeriaren aurkako Fiskaltzak bidegabeko jabetza leporatzen dio, baina Blesaren esanetan, salaketa horiek “oso larriak” dira. Era berean, milaka pertsonek osatzen duten erakunde horretan ezinezkoa dela ezer ezkutatzea esan du.
“Argi daukat modu zilegian aritu naizela”, azpimarratu du Blesak. Era berean ‘black’ txartelak “noski baietz” ikusten zirela esan du. Gainera, Bankiak agindutako kontu-ikuskaritza zerbitzuak edozein motatako zalantzarik izan balu, “kutxaren kontabilitatea ikusteko aukera” zuela adierazi du. Arrazoi horregatik, bere kontra egin diren salaketak “oso larriak direla” azpimarratu du.
Kontu-ikuskaritza zerbitzuko kideek “guztia ezagutzen zuten: ordaindu beharreko zerga, kontzeptu guztiak, dena, baina FROBi bidali zioten txosten horretan isilean gorde zituzten datu horiek, eta salaketa jarri zutenek oinarri gisa erabili dute txostena”, azaldu du Blesak.
Bestalde, ostiral honetan, irailak 30, Bankiak erantsitako Exceleko fitxategiak froga moduan onartu ditu epaimahaiak. Orri horietan ageri denez, Caja Madrideko presidente ohiak 436.000 euro baino gehiago gastatu zituen, baina Blesak esan du ez datozela bat.
Alde horretatik, Exceleko fitxategi horiek ez direla merkataritza-fitxategiak dio Caja Madrideko presidente ohiak. Arrazoi horregatik, Blesak ez ditu onartu Exceleko fitxategietan adierazten diren gastuak, bere esanetan, ezin dituelako beste fitxategi batzuekin “egiaztatu”.
Epaimahaiaren aurrean bi ordu inguru igaro ostean amaitu da gaurko saioa, baina datorren asteartean, urriaren 4an, Rodrigo Ratoren txanda izango da eta epailearen aurrean eseri beharko da azalpenak emateko.
Zure interesekoa izan daiteke
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.