Hobitik ateratzeko prozesua eteteko eskatu du Sanjurjoren familiak
Iruñeko Udalaren erabakiz, Sanjurjo jeneral frankistaren gorpuzkiak hobitik ateratzeko abiatutako prozesua geldiarazteko eskatu du gaur militarraren familiak.
Nafarroako hiriburuko Eroritakoen Monumentuko kriptan hilobiratu zuten Sanjurjo, Mola jeneralarekin eta beste sei militarrekin batera. Horiek denak hobitik ateratzeko erabakia "politikoa" dela esan du orain familiak, eta, beraz, Memoria Historikoaren legearen "kontrakoa". Prozesuak "lege akatsak" izan dituela uste dute militarraren senitartekoek, gainera.
Azaroaren 16an ziren gorpuzkiok ateratzekoak. Ondoren, egiaztatze eta dokumentazio lanak bukatuta, gorpuzkiak senitartekoei emateko asmoa zuten, kripta hilerri gisa itxita. Familia jakinaren gainean zegoela esan zuen Udalak.
Sanjurjoren senitartekoen esanetan, ordea, Asiron alkateak hedabideei egindako adierazpenen bidez izan zuten erabakiaren berri, eta espedientea Legeak jasotzen dituen "irizpide eta baldintzak kontuan hartu gabe" ireki zuen Udalak.
Kripta "leku pribatua da, ez hilerri bat"
Jeneralaren senitartekoek nabarmendu dutenez, kripta "leku pribatua da, ez hilerri bat", eta, beraz, ez dator bat Nafarroako hileta osasunaren araudian jasota dagoen definizioarekin.
Euren ustez, hobitik ateratzeko prozesuak askatasun erlijiosoaren legea "urratzen" du, baita Espainiak eta Vatikanoak kultuzko lekuen inguruan adostutakoa ere. Horren arabera, kripta "Eliza Katolikoaren kulturako eta hobiratzeko lekua da, erabilera pribatukoa".
Sanjurjoren senitartekoak Madrilen bizi dira, eta diotenez, Udala ez zen eurekin harremanetan jarri. Salatu dutenez, "txosten juridikoak idazteko eta fede-emateko eskuduntza" duen udal idazkaria ere prozesutik kanpo utzi du Asironek, haren lanak "udal taldearen irizpide politikoen menpe" geratuta.
>
>
>
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.