Erregeak astearte arratsaldean bukatuko du kontsulta-sorta
Erregeak datorren astearte arratsaldean emango dio amaiera inbestidura-saiorako hautagaia bilatzeko kontsulta-sortari. Azken bilera 15:30ean egingo du, Mariano Rajoy jarduneko Gobernuko presidentearekin, Errege Etxeak gaur plazaratu duen egutegiaren arabera.
Modu horretan, Estatuburuak, kontsulten emaitzak aintzat hartuta, arratsalde horretan bertan jakinarazi ahal izango dio Ana Pastor Kongresuko presidenteari ea Rajoyk inbestitua izateko hautagai gisa errepikatzen duen. Prozesu horretan, berebiziko pisua izango du PSOEren Batzorde Federalak igande honetan hartuko duen erabakiak.
Kongresuko presidenteari dagokio inbestidura-saioaren data eta ordua zehaztea, urriaren 31 izanik epemuga. Izan ere, egun horretan bukatzen da Espainiako Gobernuko presidente bat inbestitzeko epea, horrela egin ezean erregeak hirugarren hauteskunde batzuk egiteko agindua emango baitu.
Legebiltzarreko iturriek baieztatu dutenez, Felipe VI.ak astelehenean ekingo die elkarrizketei, eta 14 hitzordu izan ostean, Mariano Rajoyrekin bilduko da astearte arratsaldean, 15:30ean.
Bi ordu lehenago, 13:30ean, Javier Fernandez PSOEko Batzorde Kudeatzailetzaren presidentearekin bilduko da.
Egun horretan bertan igaroko dira Estatuburuaren bulegotik Xavier Domènech En Comú Podem alderdiko bozeramailea (10:00), Albert Rivera Ciudadanoseko burua (11:30) eta Pablo Iglesias Podemoseko idazkari nagusia (12:30), alderdi horiek adierazi dutenez.
Pedro Sanchezen ordez sozialisten ordezkari gisa Asturiaseko presidentea egoteaz gain, sorta honetako beste berritasun bat Equo alderdiko ordezkari batek parte hartuko duela da.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.