Otegik gidatutako taldea aurkeztu dute, Sortuko zuzendaritza osatzeko
Arnaldo Otegik gidatutako talde bat proposatu dute Sortuko zuzendaritza nazionala osatzeko eta, aurkezpenak egiteko epea amaitzeko ordu gutxiren faltan -gaur gauean amaituko da-, aurkeztutako proposamen bakarra da. Otegiren taldeak proposatutako txostenak (Zohardia) eta zuzendaritzarako proposamenak militantziaren oniritzia jaso beharko du. Sortuk urtarrilaren 21ean egingo du birfundaziorako kongresua.
Gaur aurkeztutako zuzendaritza nazionalerako taldea bederatzi lagunez osatuta egongo da. Arnaldo Otegiz (idazkari nagusia) gain, Sonia Jacinto (Antolakuntza idazkaria), Arkaitz Rodriguez (Ekintza Politikorako idazkaria), Kizkitza Gil de San Vicente (Ekintza Politikorako idazkari ondokoa), Pello Otxandiano (Herrigintzako idazkaria), Zuriñe Gojenola (Herrigintzako idazkariaren ondokoa), Gotzon Elizburu (Komunikazio arduraduna), Nuria Alzugarai (idazkari teknikoa) eta Gorka Elejabarrietak (Nazioartea) osatuko dute taldea.
Herrialde bakoitzeko lau arduradun proposatu dituzte, Ipar Euskal Herrian salbu; izan ere, ordezkari bakarra izatea proposatu dute. Gipuzkoan, Haimar Altuna, Itsasne Fernandez, Iñaki Lizundia eta Jone Etxeberria; Bizkaian, Ibon Arbulu, Enkarna Cordon, Mikel Totorika eta Urtza Alkorta; Araban, Ohiana San Vicente, Ion Anda, Txus Martinez de Lahidalga eta Ruth Ibisate; Nafarroan, Miren Zabaleta, Haritz Romeo, Victor Rubio eta Aitziber Canpion, eta Ipar Euskal Herrian, berriz, Eneko Aldana.
Gaur aurkeztutako taldearen ezaugarrietako bat gaztetasuna da; izan ere, bost pertsona izan ezik beste guztiak 40 urtetik beherakoak dira.
Miren Zabaleta, Arnaldo Otegi eta Arkaitz Rodriguez. Argazkia: EFE
Otegik gidatutako taldeak "Zohardia" txostenarekin bat egin du, eta horri helduta Euskal Herrian sindikatuekin eta eragile politikoekin "lankidetzan" prozesu subiranista eta independentista bat martxan jartzea eta ezker abertzalearen barruan antolaketari dagokion iraultza egitea defendatzen du.
Urtarrilaren 21eko kongresura arteko bidea
Arkaitz Rodriguezek eta Miren Zabaletak taldearen nondik norakoak aurkeztu dituzte, gainerako kideak alboan zituztela, gaur goizean Donostian egindako aurkezpen ekitaldian. Uztailaren 2an hasi zen Sorturen birfundazio prozesua eta urtarrilaren 21ean amaituko da birfundaziorako kongresuarekin.
Alderdi barruko hauteskundeak, primarioak, azaroaren 5etik 26ra izango dira. Gerora, bigarren fasea hasiko da urtarrilean eta bertan zuzendaritza nazionala aukeratuko dute. Azkenik, Sortuk urtarrilaren 21ean egingo du birfundaziorako kongresua.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.