Sortuk gizartearekin bat egin eta independentziarako lagundu nahi du
Sorturen Asanblada Nazionalak berretsi du, gehiengo osoz, birfundazioa hasteko urratsak; halaber, Asanbladak adierazi du "tresna politiko berria" izan nahi duela. Sortuk nahi du "euskal herritarrekin berriro bat egitea", bai eta "independentzia gauzatzeko laguntza ematea".
Sorturen Asanblada Nazionala Gasteizen bildu da, eta abiatu du epe bat zeinak helburua du "alderdia berriro fundatzea", eta "beste iraultza bat gauzatzea, bigarrena, ezker abertzalean".
Arnaldo Otegi Sortuko idazkari nagusia izango da prozesuaren liderra; Otegirekin batera, zuzendaritza-talde berria egongo da, beste 14 kidek osatutakoa. Gehienak 40 urtetik beherakoak dira; izan ere, belaunaldi-ordeztea egin nahi du Sortuk, ezker abertzaleak beste bultzada bat izateko.
Abenduaren 17an, lehen fasearen amaiera
Prozesua larunbat honetan hasi da, asanblada ireki eta partizitibo batean, eta haren lehen fasea abenduaren 17an amaituko da; egun horretan behin betiko hautatuko dute zuzendaritza berria. 2017ko irailean, halaber, batzar politikoa egingo dute.
Sortu berria larunbat honetan hasi da bere burua aurkezten, behin-behineko zuzendaritzan egondako aldaketekin; orain arte alderdia zuzendu duen Kontseiluak zuzendaritza berriari eman dio lekukoa; bertan ez da izango Hasier Arraiz.
Arnaldo Otegi, liderra
Lehendakaritzarako EH Bilduren hautagai Arnaldo Otegi Sorturen proiektuaren liderra izango da, eta alderdia berriro fundatzeko ardura hartuko du; talde gazte eta paritarioa izango du lagun. Sonia Jacinto, Miren Zabaleta eta Arkaitz Rodriguez izango ditu kolaboratzaile, besteak beste; horiek ere kondenatu zituzten Bateragune auzian, aurreko Batasuna berriro antolatzen saiatzeagatik.
Arkaitz Rodriguezek ohartarazi du Estatuaren biolentziak bere horretan jarraitzen duela, eta adierazi du ez dagoela aukerarik Estatua demokratizatzeko; izan ere, "sukar-egoeran dago, ustelduta, lizuna da". Rodriguezen arabera, ez dago hirugarren bide posiblerik, ez eta foru-naziorik edo aldebikotasunik.
"Gizarte honek merezi du Estatu garbia, eta horren alde egingo dugu", aldarrikatu du, entzuleak independentziaren aldeko oihuak botatzen ari zirela. Sortuk bere buruari jarri dion ortzi-muga euskal sozialismoarena da, "independentzia-garaiari ateak irekitzeko"; izan ere, Sorturen iritziz, "independentzia gure gain hartzea da egungo errealitatea eraldatzeko modu bakarra".
modu bakarra".Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.