Milaka pertsona bildu dira Bartzelonan hautetsi soberanistak babesteko
Milaka lagun batu dira Bartzelonan igande eguerdian "Demokraziagatik, gure instituzioak defenda ditzagun" lelopean, justiziak ikerketapean dituen hautetsi soberanistei sostengua emateko xedearekin. Bertan izan dira, besteak beste, Artur Mas, Carme Forcadell, Francesc Homs, Oriol Junqueras eta Gerardo Pisarello.
Ekitaldia Kataluniako hiru erakunde independentistek deituta egon da: Assemblea Nacional Catalana, Òmnium Cultural eta Associació de Municipis per la Independència (AMI).
Montjuiceko iturria eta Puig i Cadafalch-en zutabeak hondoan zituztela, justizia ikertzen ari den 407 tokiko ordezkarietako ugari agertu dira protestaren aurrealdean antolatu duten oholtzaren gainean. Horien artean egon dira Artur Mas Generalitateko presidente ohia, Carme Forcadell Kataluniako legebiltzarreko presidentea, Irene Rigau eta Joana Ortega kontseilari izandakoak, Montse Venturos Bergako alkatea eta Joan Coma Viceko (Bartzelona) zinegotzia.
Irekita dauden auziek 259 udali ere eragiten diete, eta Azaroaren 9ko galdeketaren gaineko kontuekin dute zerikusi handiena, baina baita beste gai batzuekin ere: Espainiako bandera udaletan ez jartzea, AMIri dirua ematea edota justiziaren aginduak desobeditzea.
Bertan izan dira ere Kataluniako gobernuko hainbat kide: Neus Munté (Presidentetzako kontseilaria), Raul Romeva (Kanpo Arazoetarako arduraduna), Meritxell Borras (Barne Arazoetako arduraduna), Santi Vila (Kultura), Dolors Bassa (Lan eta Gizarte Gaiak), Jordi Baiget (Enpresa eta Ezagutza) eta Meritxell Serret (Nekazaritza).
Egon ez dena Carles Puigdemont Generalitateko presidentea izan da, bere jaioterrira joan baita, bertan "seme kuttun" izendatu baitute gaur. Dena dela, eguerdian bertan antolatutako elkarretaratzean parte hartu du "Kataluniako instituzioen defentsan".
Masen esanetan, prozesu soberanistaren alde "buru-belarri" jarraituko dute
Artur Mas Kataluniako presidente ohiak eta PDECat alderdiko buruak esan duenez, prozesu soberanistaren alde 'buru-belarri' jarraituko dute. Nabarmendu duenaren arabera, Kataluniako Gobernuko buruan egon zenean ez zuen "desobeditu", baizik eta "Kataluniako herriak esandakoa" bete zuen.
Masek eskerrak eman dizkie gaurko ekitaldira bertaratu direnei: "Ez dugu etsiko, aurrera jarraituko dugu, badakigu nolako garrantzia duen egiten ari garenak, buru-belarri jarraituko dugu herri honek aurrera egin ahal izan dezan orain eta etorkizunean", azaldu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.