Zortzi lagun atxilotu dituzte Altsasuko erasoarekin lotura dutelakoan
Guardia Zibilak zortzi pertsona atxilotu ditu Altsasun (Nafarroa), bi guardia zibilek eta haien bikotekideek salatutako erasoarekin lotura dutelakoan.
Poliziako iturrien arabera, atxiloketok zenbait etxebizitzatan egin dituzte, urriaren 15ean Guardia Zibilaren teniente batek, sarjentu batek eta haien bikotekideek eraso baten biktima izan zirela salatu eta hilabetera.
Barne Ministerioaren arabera, 'Ausiki' izeneko polizia-operazioak zabalik jarraitzen du, eta ez dute baztertu atxiloketa gehiago egitea.
Zehatz-mehatz, atxiloketok Iruñean, Altsasun, Gasteizen, Agurainen, Ordizian eta Madrilen egin dituzte, eta Auzitegi Nazionalera eraman dituzte.
Aurreko ostiralean, Carmen Lamela Auzitegi Nazionaleko epaileak esan zuen Altsasuko bi guardia zibilek salatutako liskarra "jazarpen eta beldurrezko kanpaina" baten ondorio dela, "guardia zibilek herritarrekin harremanak izatea saihesteko".
Gertakari horren ikerketa bere ardurapean uzteko eskatu zion Lamela epaileak Iruñeko 3. Instrukzio Epaitegiari; izan ere, Auzitegi Nazionaleko magistratuak uste du terrorismo delitua egon daitekeela, liskarra Estatuko Segurtasun Indarrak beldurrarazi eta Euskal Herritik alde egin dezatela lortzeko asmoz egin zutela iritzita.
Auzitegi Nazionalak jakinarazi zuen 12 pertsona identifikatu zituztela, erasoaren egileak direlakoan. Bi guardia zibilak "larriarazteaz" gain, erasoaren helburua Guardia Zibilaren gainerako agenteak, haien senideak eta Altsasun Guardia Zibila babesten duten herritarrak beldurraraztea izan zela zioen epaileak.
Hala, ANk ikerketa abiarazi du, nahiz eta Guardia Zibilak nahiz Foruzaingoak Altsasuko gertaerei buruz egindako txostenen arabera, urriaren 15ean ez zen bi guardia zibilen eta haien bikotekideen aurkako lintxamendu edo segada antolaturik izan.
Guardia Zibilaren ikerketaren arabera, "erasoa" izan zen, baina bi agenteen testigantza kolokan jarri zuen eta ordura arte zabaldutako bertsioa gezurtatu; hau da, Altsasuko 40-50 gaztek jipoitu zituztela.
Diario de Noticias egunkariak argitaratu zuenez, Guardia Zibilak gorroto delitu bat egon daitekeela uste du, baina ez du terrorismo deliturik antzeman, Covitek eskatu bezala.
Txostenean identifikatutako 12 pertsona horietako sei euren borondatez joan ziren urriaren 15ean Iruñeko Zaintza Epaitegira, deklaratzera. Alabaina, ez zuten epailearen aurrean deklaratzerik izan, bertako epaile titularra, Mari Paz Benito, ez zegoelako zaintzan.
Erreakzioak
Maria Jose Beaumont Nafarroako Gobernuko Barne kontseilariak salatu duenez, atxiloketak ez ziren beharrezkoak, eta ez zegoen horiek goizaldean egin beharrik. Ildo horretan, atxiloketen inguruko balorazio negatiboa egin du.
Hamarnaka lagunek elkarretaratzea egin dute Altsasuko Udaletxearen aurrean, Guardia Zibilak egindako operazioa salatu eta atxilotuei babesa adierazteko.
Bilkura 13:00etan egin dute eta lelo ezberdinetako kartelak erakutsi dituzte: ‘Altsasuko gazteria aurrera’, ‘Atxilotuak askatu’ edota ‘Errepresioari STOP’. H
Horrez gain, Altsasuko Udalaren Bozeramaileen Batzordea 19:30ean bilduko da, polizia-operazioa dela eta. Javier Ollo alkateaz gain, talde bakoitzeko ordezkari bat izango da.
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.