Aldebiko bilera
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Bilera bat egiteko borondatea agertu dio Urkulluk Rajoyri

Duela bi aste igorritako idatzi batean lehendakariak bilera bat eskatu dio Espainiako presidenteari bi gobernuen artean zintzilik dauden gaiak jorratzeko. Moncloak ez dio bilera eskaerari erantzun.
urkullu Rajoy EFE
Iñigo Urkullu eta Mariano Rajoy artxiboko argazki batean. EFE

AGENTZIAK | ERREDAKZIOA

Azken eguneratzea

Iñigo Urkullu lehendakariak bilera bat egiteko borondatea agertu dio Mariano Rajoy Espainiako Gobernuko presidenteari, duela bi aste igorritako idatzi batean. Bilera horretan bi gobernuen artean zintzilik dauden gaiak jorratu nahiko lituzke lehendakariak. Urkulluk eta Rajoyk 2014ko irailean egin zuten bien arteko azken bilera.

Gobernu bilera amaitutakoan Josu Erkoreka Eusko Jaurlaritzako bozeramailean prentsaurrekoan adierazi duenez, urtarrilaren 17rako Rajoyk deitu duen autonomia erkidegoetako presidenteen arteko bilera dela-eta idatzi bat bidali dio Urkulluk Rajoyri eta bilera horretara ez joateko arrazoiak azaldu dizkio.

Halaber, bi gobernuen artean zintzilik dauden gaiak eta 2014ko irailean Urkulluk Moncloako bulegoko mahaiaren gainean utzi zizkion proposamenak eta dokumentuak jorratzeko garaia dela gogoratu dio Urkulluk Rajoyri. Erkorekaren esanetan, lehendakariak aldebiko bilera bat egiteko borondatea agertu zion "enegarrenez" Rajoyri "berehalakoak, garrantzitsuak eta luzaezinak" diren gaiak jorratzeko.

Moncloak ez dio oraindik erantzun Urkulluren bilera eskaerari.

Politika Mariano Rajoy Iñigo Urkullu Espainiako gobernua Espainia Euskal Autonomia Erkidegoa Eusko Jaurlaritza

Zure interesekoa izan daiteke

Gehiago ikusi
Publizitatea
X