Iñigo Urkulluren hitzaldia: erreakzio politikoak
Iñigo Urkullu lehendakariak urte amaierako ohiko diskurtso eskaini du, eta bertan azpimarratu duenez, "amaitzen den urtean aurrera egitea lortu dugu; zailtasunak zailtasun, egoera hobea da". Gainera, "hazkundea indartzeko garaia" dela adierazi du, eta Eusko Jaurlaritzaren lehentasunak zehaztu ditu: "enplegua sustatzea eta langabezia % 10tik jaistea".
Lehendakariaren hitzen aurrean, euren iritzia plazaratu dute Eusko Legebiltzarreko alderdi guztiek:
EAJ
Akordioaren alde lehendakariak egindako deia txalotu du Joseba Egibar EAJren bozeramaileak, horren iritzian, "erakunde politiko guztientzako lanarako bidea zehazten baitu, baita eragile sozial eta ekonomiko guztietarako ere". Egibarrek azpimarratu duenez, Urkulluk "ikuspegi aldaketa egin du", eta haren hitzaldian plazaratu du "nondik gatozen, zeintzu erronka ditugun eta helburuak nola bete ditzakegun".
EH BILDU
Iker Casanova EH Bilduren legebiltzarkideak deitoratu duenez, Urkulluk "autokonplazentziazko diskurtsoa" egin du, eta "ez da lehendakari bezala aritu, EAJren buruzagi bezala baizik". Zentzu horretan, Casanovak onartu du ez zutela eduki politiko "sakonik espero, formatuaren mugak kontuan hartuta, eta gainera aintzat hartuta ikuspegi estrategikoa eskatzen zuen unetan ere, esaterako gobernu-programaren aurkezpenean edo inbestidura-hitzaldian, Urkulluk ez zuela espero bezala aritu".
AHAL DUGU
Bestalde, Lander Martinez Ahal Duguren Antolakuntza idazkariaren ustez, lehendakariaren diskurtsoa "autokonplazientziazkoa eta oso zorroztasun eskasekoa" izan da. Martinezek salatu duenez, lehendakariak "autoexijentziari buruz" hitz egin du, baina hori ez da bere hitzaldian sumatu. Gainera, "PPren leloa ("enplegua politika sozial onena da") berea egin izana" leporatu dio Urkulluri, lan-prekarietateak "Euskadi gogor astindu" duen bitartean.
PSE
Eneko Andueza PSEren alboko bozeramaileak "diferenteen artean Euskadi eraikitzeko aukera" baloratu du, eta "legegintzaldi honetan akordio gehiago" izan daitezkeela iragarri du. "Hemendik aurrera alderdi guztiek bat egiteko aukera daukagu, oposizio lanatik haratago, Euskadiren etorkizuna eraiki ahal izateko", gaineratu du.
PP
Nerea Llanos Euskadiko PPren idazkari nagusiaren aburuz, aurreko urteetan egindako hitzaldi bera errepikatu du aurten Urkulluk. "Lidergo eta ekintza falta berdinaren aurrean gaude", esan du. Dena dela, Llanosek onetsi du lehendakariak esandako gauza askorekin ados dagoela, esaterako, "Europan, eta, beraz, Espainian, Euskadik izan dezakeen proiektuarenarekin".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".