Suitzako dirua pentsio fondo moduan zuela esan du Barcenasek
Luis Barcenas PPko diruzain ohiak gaur adierazi duenez, Espainiatik kanpoko kontu korronteetan zuen dirua pentsio fondo moduan mantendu nahi zuelako ez zuen inoiz aitortu.
Gürtel sarearen lehen aldia (1999-2005) ikertzen ari den Auzitegi Nazionaleko epailearen aurrean deklaratu du gaur bigarren egunez jarraian. Atzerrian zituen diru kontuekin lotutako galderei erantzuten hasi da gaur Barcenas. Fiskalak 42 urte eta erdiko kartzela zigorra eskatu du PPko diruzain ohiarentzat.
Concepcion Sabadell fiskalari azaldu dionez, hainbat gordailu egin zituen Suitzako bi kontu korrontetan 1988az geroztik eta diru horren jatorria Espainian bizi ez ziren pertsonekin egindako transakzioak izan ziren. "Funtsak aitortu gabe zeuden, kanpoan egiten nituen operazioetako dirua zelako eta kanpoan eduki nahi nuelako, eta ez nuen Espainian aitortzen", esan du Barcenasek zerga ordainketari buruz fiskalak egindako galderari erantzunez.
Barcenasen esanetan, Suitzara joan aurretik kontu korronte bat ireki zuen Puerto Ricon, AEBrekin eta Alemaniarekin lotutako negozio batekin irabazitako diruarekin. Suitzan 1988an ireki zuen lehendabiziko kontua Private Bank finantza erakundean, eta bertako dirua Dresdner Bank erakundeko beste kontu batera transferitu zuen urtebete geroago. Horren arabera, geroztik, "arrazoi pertsonalak tarteko", bi kontu korronte ditu Suitzan: bata Dresdner bankuan eta bigarrena, berriz, Banque de la Suisse Italienne (BSI) bankuan. Hala ere, azpimarratu du BSI finantza erakundean zuen dirua Lombard Odier bankura eramatea erabaki zuela 2000. urtean. "Suitzan salbu, ez dut beste kontu korronterik izan Espainiaz kanpo", nabarmendu du.
Bestalde, 2012an bere egoera legeztatzeko zerga ordainketa egin zuela adierazi du, Auzitegi Nazionalak Suitzako agintariei erreguzko eskaera egin ostean. "Hortik aurrera ez dut ezer ezkutatu", gaineratu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.