2016ko Aurrekontuak luzatuko ditu Gasteizko Udalak
Gasteizko Udaleko osoko bilkurak atzera bota du 2017rako aurrekontu proiektuak eta, hori dela eta, EAJk eta PSE-EEk osatutako Gobernu koalizioak 2016ko Aurrekontuak luzatu beharko ditu.
Aurreikusi bezala, Gobernua osatzen duten EAJko eta PSE-EEko bederatzi zinegotziek bakarrik babestu dute aurrekontu proiektua; izan ere, PPk eta EH Bilduk kontrako botoa eman dute eta Euskadiko Ahal Duguko bi zinegotziek eta Irabaziko zinegotzi bakarrak, berriz, abstentziora jo dute.
Azken bi alderdi horiek aste honetan iragarri bezala, abstenitu egin dira gaurko bozketan. Gorka Urtaran alkateak ez du Aurrekontuak aurrera ateratzeko babes nahikorik lortu eta, beraz, iazkoak luzatu beharko ditu.
EH Bilduk eta EAJk bata besteari leporatu diote Aurrekontuak luzatu behar izatea eta bi taldeetako kideak elkarri mokoka aritu dira.
Miren Larrion EH Bilduren Gasteizko udal taldeko bozeramaileak eta Gorka Urtaran alkate jeltzaleak, esaterako, eztabaida gogorra izan dute. Larrionen esanetan, Gobernuak aldaketaren alde lan egiten ez duelako eman du kontrako botoa koalizio abertzaleak. Ildo horretan, aldaketaren aldeko apustua egiteko eskatu dio EH Bilduren babesa eta gehiengoa izan nahi badu.
Itziar Gozalo Ogasun zinegotziaren esanetan, ostera, EH Bilduren botoa Udal Gobernua higatzeko "estrategia politikoaren" baita kokatu behar da.
Duela urtebete, Gasteizko Udal Gobernuak 2016ko Aurrekontuak aurrera atera zituen EH Bilduren, Ahal Duguren eta Irabaziren babesarekin, "hirian aldaketa bultzatzeko".
Gasteiz izango da Aurrekontu berriak izango ez dituen Euskal Autonomia Erkidegoko hiriburu bakarra, Bilbok eta Donostiak abenduan onartu zituzten-eta 2017ko Aurrekontuak.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.