Kasu guztiak ikertzea eskatu diote torturaren biktimek Foru Gobernuari
Nafarroan izan diren tortura kasu guztiak ikertzeko beharrezkoak diren “neurri eraginkorrak” hartzeko eskatu diote torturatuak izan diren hainbat herritarrek Nafarroako Gobernuari.
Agerraldian 60ko hamarkadatik aurrera torturak jasan dituzten belaunaldi ezberdinetako pertsonek hartu dute parte eta Elias Antonek hartu du hitza.
“Bizikidetza normalizatzeko eta erabatekoa izateko, ezinbestekoa da torturaren bide ilunari argia jartzea”, esan du.
Garai politiko ezberdinetan Polizia ezberdinek “tortura beti erabili” dutela, baina inoiz ez dela aitortu gogor kritikatu du. “Tortura beti ezkutatu eta isilarazi egin dute Estatuko botereek eta horrek bi aldiz egiten gaitu biktima, torturatuak izan garelako eta jasandakoa aitortzen ez zaigulako”, gaineratu du.
Nafarroako Gobernuaren Bake eta Bizikidetza Zuzendaritzak oraingoz ez duela urratsik eman salatu dute.
“Torturatuak izan garen pertsonentzako laguntza iragarri zuten eta poztu egin ginen horregatik, baina oraingoz inor ez da gurekin harremanetan jarri, gure testigantzak, egoera eta beharrizanak ezagutzeko”, deitoratu du.
Ildo horretan, Euskal Memoriak azken urteotan egindako ikerketa lana goraipatu du. Elkarte horren arabera, gutxienez 600 pertsona torturatu dituzte Nafarroan azken hamarkadetan, “eta milatik gora izan daitezkeela uste da”.
Elias Antonek Euskal Memoriarekin harremanetan jartzeko dei egin die torturak pairatu dituzten herritarrei, euren kasuak argitara ateraz.
“Ezinbestekoa da egia ezagutzea, aitortza eta erreparazioa, baita berriro gertatuko ez denaren bermea”, azpimarratu du.
Zure interesekoa izan daiteke
Albiste izango dira: lehendakariaren bilera-sorta hasiko da, PISA txostenaren argitalpena eta Hondarribiko Alardea
Gaurkoan Orain-en albiste izango direnen laburpena, bi hitzetan.
Hauteskundez beteriko kurtso politikoa hasi da
Hauteskundeek markatutako kurtso politikoa abian da, eta hori hurrengo hilabeteetan mahai gainean jarriko diren gaietan nabarituko da. Analisten arabera, etxebizitzak, segurtasunak eta immigrazioak markatuko dute urte honetako agenda, baina hurbileko gaiek pisua hartuko dute.
EAJk eta PSE-EEk adostutako zerga neurriek ez diete herritarren beharrei erantzuten eta "makillaje ariketa" dira, EH Bilduren iritzian
Koalizio subiranistaren zuzendaritzak bilera egin du arratsaldean, eta hiru foru gobernuek adostutako esparru komuna izan du hizpide. EH Bilduko iturriek akordioa kritikatu dute eta zerga alorrean euren proposamenak egiten jarraituko duela iragarri dute, batez ere etxebizitzaren sarbidea bermatzeko.
Auzitegi Nazionalak ikertuko du Ceutako migrazio krisia, baita Marokok izandako "jarrera mesedegarria" ere
Maria Tardon epaileak bere gain hartu du uztailaren 30eko eta 31ko gertakariak ikertzea. Autoan jaso duenez, Marokoko indar armatuek ez zuten migratzaileak geldiarazteko ahalegin berezirik egin; are, "gidari aktibo" lanetan aritzea leporatu die epaileak.
Plus Ultrako presidente ohiak onartu du bere airelineak lortu zuen maileguaren % 1eko komisioa Zapateroren taldearentzat izan zela
Jose Luis Calama Auzitegi Nazionaleko epailearen aurrean, idatzian jasotakoa berretsi du airelinea horretako presidente ohi eta bazkide nagusi Martinez Solak. Idatzi horretan aipatzen zuen Zapateroren izen mailegatzaile Julio Martinez Martinezek eta Espainiako presidente ohiak "diru kopuru bat" jaso zutela airelinearentzako mailegu bat lortzeko prozesuan bitartekari lanak egiteagatik.
Pradales: "Mendebaldeko demokraziek duten arriskuaren adibide da AfDk Saxonian lortutako garaipena"
Kezkatuta agertu da lehendakaria, Alemaniako ultraeskuinak bart lortutako garaipena ahotan hartuta. Gogoetarako deia egin die Espainiako Estatuko alderdi guztiei, Saxoniako emaitzek "kutsatze ahalmena" baitute Europan.
Otegi: "Euskal Herriak hauteskundeetan frogatuko du antifaxista eta antiautoritarioa dela; ez dut uste partida galduta dagoenik"
Alemanian eskuin muturrak lortutako garaipenaren aurrean kezkatuta agertu da Arnaldo Otegi, EH Bilduko idazkari nagusia, Euskadi Irratiko 'Faktoria' saioan. Otegik ohartarazi du Espainiako eta Frantziako estatuak eskuin muturraren menpe geratzeko arriskua dagoela balizko hauteskunde orokorretan. Hala ere, "partida ez dago galduta" adierazi du, baina egoerari aurre egiteko prest egoteko deia egin du. Zentzu horretan, alderdi abertzaleek zerrenda bateratua osatzearen aldeko apustua berretsi du.
Joseba Asiron berriro Iruñeko alkategai izatea proposatu du EH Bilduk
EH Bilduren Iruñako idazkaritzak proposamen horixe aurkeztu du, “bere ibilbide profesionala, dedikazioa eta duela hamarkada bat baino gehiagotik egiten ari den lana” aintzat hartuta.
Juan Karlos Izagirre ez da EH Bilduren Donostiako alkategai izango
Izagirrek adierazi du mediku lanera itzuliko dela eta oinarrizko militante gisa lan egiten jarraituko duela.
Urte politiko berrian EAJk akordioak bilatuko dituela esan du Antxustegik
Joseba Diez Antxustegi Eusko Legebiltzarreko EAJren bozeramaileak urte politiko gogorra aurreikusi du, hauteskunde urtea izango baita. Hauteskundeek panorama zaildu dezaketen arren, akordioak bilatzen saiatuko direla adieazi du Antxustegik Radio Euskadin egin dioten elkarrizketan.