Ganberan 'Egiaren Batzordea' eratzeko eskatu du Martxoak 3 elkarteak
Frankismo garaian eta trantsizioan egindako giza eskubideen urraketak ikertzeko, Eusko Legebiltzarrean "Egiaren Batzordea" sortzeko eskatu du Martxoak 3 elkarteak.
Elkarteko kideek prentsaurrekoa eskaini dute gaur 1976ko martxoaren 3ko sarraskia gogoratzeko antolatu dituzten ekitaldiak aurkezteko, eta 41. urteurren honetan, hainbat neurri hartzeko eskatu diote Eusko Legebiltzarrari.
Andoni Txasko elkarteko bozeramailearen hitzetan, frankismo garaian egindako hilketak ikertzeko batzorde bat osatu beharko litzateke Gasteizko ganberan. Haren ustez, beharrezkoa da giza eskubideen urraketon biktimak "bazterketarik gabe" aitortuko dituen Memoriaren Lege bat.
1976ko martxoaren 3ko hilketa lazgarrien 41. urtemuga da aurtengoa. Egun hartan, langileen protesta batean parte hartzen ari ziren bost pertsona hil zituen tiroz Espainiako Polizia Armatuak. Hildakoez gain, ehunka lagun zauritu zituzten sarraskian. Oraindik, baina, ez dute inor zigortu egun hartan Arabako hiriburuan gertatutakoagatik.
Ekitaldiak
Ekitaldi andana prestatu du elkarteak urtemuga honetarako. Egitarauari martxoaren 2an ekingo diote, Gasteizko epaitegien aurrean egingo duten elkarretaratze batekin. Bilkurak bi helburu izango ditu, elkarteko kideen esanetan: frankismoaren hilketen "inpunitatea" salatzea eta nazioarteko araudiak giza eskubideen inguruan dioena betetzeko eskatzea.
Sarraski hura dela eta Arabako erakundeek aurkeztutako kereila artxibatzea erabaki du berriki Gasteizko Instrukzioko 3. Epaitegiak, eta ingurumari horretan egingo dute protesta. Txaskoren hitzetan, epaileak, hilketok gizateriaren aurkako krimen ez direla ebatzita, ez dio nazioarteko zuzenbideari erreparatu. Azaldu duenez, egoeraren berri eman diote Pablo de Greiff eta Ariel Dulitzky NBEko errelatore bereziei, Fabian Salvioli NBEren Giza Eskubideen Batzordeko presidenteari, eta Esteban Beltran Amnisty Internacional erakundeak Espainian duen presidenteari.
Martxoaren 3an bertan, ohiko ekitaldia egingo dute (18:30) biktimen aldeko monolitoaren aurrean, Gasteizko Zaramaga auzoan. Ordu erdi geroago, manifestazioa egingo dute. Eguerdian, tankerako omenaldi bat egingo du EH Bilduk.
Biharamunean, martxoaren 4an, Madrilen amaituko dituzte aurtengo ekitaldiak. "Memoriaren eta Justiziaren aldeko Hiriak" lelopean, jardunaldiak antolatu dituzte eta "Llach, La Revolta Permanent" dokumentala eskainiko dute. Ondoren, solasean arituko dira Andoni Txasko elkarteko bozeramailea, Gorka Urtaran Gasteizko alkatea, Lluis Llach kantaria eta Jaume Roures dokumentalaren ekoizlea.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.