Lasa: 'Itsasori buruzko erabakia autogobernuaren aurkako erasoa da'
Imanol Lasa Gipuzkoako Aldundiko bozeramaileak gaitzetsi egin du bai Itsasoren desanexioa, bai hura udalerri gisa eratzeko prozesua baliogabetze aldera Espainia Gobernuak hartutako erabakia. Gainera, adierazi duenez, Aldundiak, Itsasoko ordezkariekin batera, "inposaketa horri aurre egiteko dagozkion egintza juridikoak" aztertuko ditu.
Lasaren aburuz, gertatutakoa Gipuzkoako lurraldeko erakundeak "askatasunez, legalki eta demokratikoki" hartzen dituzten erabakien kontrako "eraso zuzena" da, baita "jendartearen nahien aurkakoa" ere".
Espainiako Gobernuak Itsasoren desanexioa baliogabetzearen harira Donostian egin dituen adierazpenetan, bozeramaileak onartu du Aldundiak joan zen ostiralean jaso zuen Espainiako Gobernuak 27/2016 Foru Dekretuaren aurka abiatutako administrazioarekiko auzi-errekurtsoa. Hain zuzen ere, Dekretu horren bidez onartu zuen Itsaso Ezkio udalerritik bereiztea eta udalerri independente gisa eratzea.
Era berean, Ezkiok eta Itsasok otsailaren 28ko data zuen ebazpen bat jaso zuten, Autonomia Erkidego eta Toki Erakundeekiko Harremanetarako Zuzendaritza Nagusiak igorritakoa. Bertan jasotzen denaren arabera, ezezkoa eman zaio Itsaso toki erakundeen erregistroan udalerri gisa izena emateari.
Foru Bozeramailearen esanetan, aipatu bi erabakiak "ezin justifikatuzkoak dira, legalki zein politikoki". Gogora ekarri du Aldundiari dagokiola eta "ez beste inori" udal-mugapeak arautzeko eskumena, Autonomia Estatutuak jasotzen duenari jarraikiz.
"Eskumen hori 2/2003 Foru Arauan dago garatuta, eta horrek 2.500 biztanle eduki behar izanaz salbuesten ditu frankismoaren diktaduraren garaian anexionatzera behartu zituzten udalerriak, 1964an Ezkio eta Itsasorekin gertatu zen legez", azaldu du Lasak. Gaineratu duenez, "deigarria da PPren Gobernuaren esku hartzeko grina noraino heltzen den; izan ere, ez du uzten garai hartan hartutako erabaki antidemokratiko hura zuzen dadila".
Gainera, mota horretako erabakiek euskal eskumenen esparrua "larriki" erasotzen dutela salatu du, "edota gauza bera dena, gure eskubide historikoak eta gure autogobernua, beraiek defendatzen duten legean bertan jasotzen denez".
Bestalde, PPren Gobernuaren "estrategia zentralizatzailea" ere arbuiatu du, "etengabeak diren ebazpen, errekurtso eta debekuetan islatzen direnak, eta euskal erakundeak eta araudiak murriztu eta gutxietsi besterik ez dutenak egiten, edota beste era batera esanda, ordezkatzen ditugun herritarren kudeatzeko, arautzeko eta erabakitzeko ahalmenak".
eko ahalmenak".Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.