Itsaso desanexionatzeko prozedura baliogabetu du Espainiako Gobernuak
Itsaso (Gipuzkoa) herri bihurtzeko prozedura bertan behera utzi du Espainiako Gobernuak, herri berriek gutxienez 5.000 biztanle behar dituztela argudiatuta. Hori dio tokiko erregimeneko oinarrien legearen 13. artikuluak, 2013an egindako aldaketaren ondoren. Berria egunkariak argitaratutako informazioaren arabera, Presidentetza eta Tokiko Administrazioen Ministerioak baztertu egin du Tokiko Entitateen Erregistroan izena emateko egindako eskaera.
Gipuzkoako Foru Aldundiaren esanetan, ordea, erakunde gipuzkoarrari dagokio herriei buruzko eskumena. Hala, Gipuzkoako Batzar Nagusiek 2003an onartutako foru-arauaren arabera, udalerri berri batek 2.500 biztanle izan beharko lituzte.
Itsaso herriak baldintza hori ere ez luke beteko, 165 biztanle zituelako 2016an desanexionatzeko erabakia hartu zutenean. Dena den, Foru Aldundiak nabarmendu duenez, salbuespen bat onartzen du arauak: frankismo garaian herritarren nahia kontuan hartu gabe elkartu zituzten herriak, Ezkio-Itsaso, kasu.
Salbuespen hori dela eta ahalbidetu zen aurretik beste bost udalerri sortzea: Leaburu, Altzaga, Ikaztegieta, Orendain eta Baliarrain.
Ezkio-Itsasoko alkateak Euskadi Irratian jakinarazi du Foru Aldundiarekin harremanetan daudela gaia nola bideratu dezaketen aztertzeko. Bi hilabeteko epea dute orain, eta egoera ez balitz konponduko, helegitea jartzeko aukera aztertuko dutela azaldu du.
2011n abiatutako prozesua
2016ko irailaren 18an, herri-galdeketa bat egin zen Gipuzkoako Aldundiaren babesarekin. Galdeketa horretan, bizilagunek banantzearen aldeko hautua egin zuten, eta, horren aurrean, abenduaren 22an, Foru Gobernuko Kontseiluak desanexio dekretua onartu zuen.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.