PPk ETAren biktimak omendu ditu armagabetzea baino lehen
Euskadiko PPko presidenteak, Alfonso Alonsok, adierazi duenez, Baionan (Frantzia) bihar egingo den armagabetzearekin, ETAk "amaierako errendizio ekitaldia" egingo du.
PPk Gasteizen egindako ekitaldia itxi du Alonsok. Azken hamarkadetan ETAri aurre egin diotenak omendu dituzte horretan.
"Askatasunaren garrantzia. Demokrazia defendatzeko ahotsa altxatu zutenen alde" lelopean egin dute ekitaldia, eta horretan, Euskadiko PPko presidenteaz gain, katedraduna eta Ermuako Foroaren sortzaileetako bat den Ricardo Miralles; PPko buruzagia eta Terrorismoaren Biktimen Fundazioaren presidentea, Mari Mar Blanco; atentatu batean zauritutako guardia zibil Juan Jose Mateos; eta Carmen Gurruchaga kazetaria izan dira.
Biharko armagabetzea, ETAk "ezeren ordez" egiten duen "baldintzarik gabeko" ekitaldia dela azpimarratu du Alonsok, "inork ez duelako preziorik ordainduko" horrengatik.
Euskadiko PPko presidenteak esan duenez, batasuna borroka jarraitzeko eta "armekin edo armarik gabe ETAren proiektu politikoa legez kanpokoa dela" gizartea konbentzitzeko da, batez ere azken belaunaldiak.
Biharko ETAren armagabetzeak " ezin die bizia itzuli hil zituzten zortziehun pertsona baino gehiagori", esan du Mari Mar Blancok. Emango dituzten pistoletako bat bere anaia, Ermuako zinegotzi Miguel Angel Blanco, hiltzeko erabili zutena izatea espero du Blankok.
Terrorismoaren Biktimen Fundazioaren presidenteak eskatu duen arabera, argi gelditu behar da armagabetzearengatik "ETAri ez zaiola ezer eskertu behar", bihar argazkian aterako direnak "filmeko gaiztoak izaten jarraitzen dute, anaiari mehatxu, bahitu, torturatu eta garondoan bi tiro eman zizkiotenak".
EHUko katedradun Ricardo Mirallesek ikara erakutsi du biharko armagabetzea "amaierako festa lotsagarri" batekin amaitu daitekeelako.
ETAk Reuseko (Tarragona) aireportuan, 1996ko uztailean, egindako atentatuan zauritu zen Juan Jose Mateos guardia zibilak esan duenez, segurtasun indarren lanari esker "behartutako" eta "bazterreratutako" ETA baten ekitaldia da armagabetzea.
Carmen Gurruchaga kazetariak mehatxuen eta atentatuen bere esperientzia gogorarazi du, eta "terrorismoz beteriko berrogeita hamar urte geroago historiaren kontakizuna" ez du haiek, bortitzak, egitea nahi.
Biktimek lagapenik gabeko amaiera nahi dute
Guztira biktimen 26 elkartek, Terrorismoaren Biktimen Fundazioa buru dutela, "Espainiako Estatuaren aldetik lagapenik gabeko" ETAren amaiera eskatu dute. Legea zorrotz jarraitu eta ebatzi gabeko hilketak argitzeko elkarlana eskatu behar duela esan dio Espainiako Gobernuari, "beldurrez beteriko 50 urte hauen benetako istorioa erabat errespetatzeko".
Espainiako Estatuko segurtasun indarrek armen analisian parte hartzeko beharrezko mekanismoak ezartzea eskatu diete Gobernuari eta Auzitegi Nazionalari biktimek.
"Ebidentzia judiziala" dira arma horiek, eta ebatzi gabeko ETAren hirurehun hilketa baino gehiago argitzeko balio dute.
Terrorismoaren biktimek "ez dute inoiz ahaztuko" segurtasun indarren esfortzu profesional eta eraginkorra. Ezta "ETAren mehatxua jaso zuten hainbat herritarren, mehatxu horien aurrean etsi gabe euren uste sendoak manteni zituztenen, irmotasuna eta erresistentzia" ere.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.