Aralarrek 'positibo' ikusten du EH Bilduren barruan abiatutako prozesua
Rebeka Ubera Aralarreko idazkari nagusiak babestu egin ditu EH Bildu koalizioa osatzen duten kideek (Aralar bertako parte da) emandako urratsak hura "koalizio soil izatetik subjektu politiko" izatera pasa dadin.
Aralarrek hori guztia aztertzeko biltzarra egin du gaur Altsasun, eta, bertan, Uberak "positiboki" baloratu du duela aste batzuk iragarri zen prozesu hori abian jarri izana. "Ilusio eta itxaropenez bizi ditugu momentu hauek, nahiz eta kontziente garen oraindik ere ibilbide luzea dugula aurretik", esan du Uberak.
Dena dela, Uberak premiazkotzat iritzi dio "alternatiba ezkertiar aurrerakoi sendoa eraikitzea". Izan ere, bere esanetan, "egiturazko krisi demokratikoa" existitzen da, eta horren aurrean, beharrezkoa da "pertsona ororen eta bereziki langile klase eta behar gehienen eskubideak defendatu eta bermatzea" eta "erabakitzeko eskubidea eskuratzea".
Gaineratu duenez, arrazoi horiek guztiek premiazko egiten dute "herri honetan alternatiba ezkertiar aurrerakoia eraikitzea, gizartearen eboluzio, erritmo eta beharretara egokituko dena, eta bereziki esku artean ditugun erronkei aurrea hartzen lagunduko duena".
Horren harira, EH Bildu sendotzeko eta politikagintzaren balioak aldarrikatzeko mezua zabaldu du, "inoiz baino beharrezkoagoa delako baloreetan oinarritzen den politika aldarrikatzea eta egitea, ustelkeriarekin tolerantzia zero jokabidea izanez".
"Politikagintza, militantzia zeregin duina eta beharrezkoa delako, eta politikaren oinarria izan behar delako ustelkeriari aurre egitea", erantsi du.
Bestalde, Altsasun zeudela probestuz, Aralarrek bere "elkartasuna eta babesa" helarazi die "bidegabekerian eta mendeku politikan oinarrituta atxilotuak izan diren gazteei eta haien familiei", joan zen urteko urrian Altsasun bi guardia zibilek eta haien bikotekideek jasandako erasoaren harira atxilotutako gazteei erreferentzia eginez.
"Dei egiten dugu berriro ere Audientzia Nazionalak ez dezan epaiketa burutu, ez duelako inolako zentzurik terrorismoaren izaeraz epaiketa burutzea. Gazteen askatasuna aldarrikatzen dugu", eskatu du Uberak.
katu du Uberak.Zure interesekoa izan daiteke
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko duen ala Voxen babesa beharko duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.