Hiru hautagaiak prest, PSOEren barne hauteskundeen kanpainarako
PSOE gidatzeko lehian dauden hiru hautagaiek ekitaldiak antolatu dituzte gaur, buruzagi sozialista berria nor izango den erabakitzeko maiatzaren 21ean egingo dituzten barne hauteskundeetan. Kanpaina ofiziala maiatzaren 9an hasiko da.
Lurraldeak eta pertsonak "errespetatuko" dituen Espainia federala aldarrikatu du Diazek
Susana Diazek defendatu duenez, buruzagi andaluziarrak bideraturiko proiektua da onena, lurraldeak eta pertsonak "errespetatuko" dituen Espainia federala lortzeko bidea gidatzeko. L'Hospitalet de Llobregat (Bartzelonan) herrian militante sozialistekin egindako topaketan egin ditu adierazpenok Diazek. Celestino Corbacho Lan eta Inmigrazio ministro ohiaz gain, David Quiros eta Pepe Castro L'Hospitaleteko zinegotziak izan dira ekitaldian.
"Badakit gure alderdia oso garrantzitsua dela, eta herrialdeko lurraldeak antolatzeko ardura historikoa duela", esan du. Ondoren, jendearen txalo artean nabarmendu duenez, "askatasunean, berdintasunean eta jendearen eskubideetan oinarritutako proiektu kolektibo bateko kide izateaz harro egon gaitezen lortu behar dugu".
Pedro Sanchezek "PSOE berri bat jaioko dela" iragarri du
Pedro Sanchezek, bestalde, "PSOE berri baten aldeko apostua" egin du, "ez soilik lauzpabost buruzagik gidatutako alderdia", buruzagaiak bezain garrantzitsuak sentitzen diren militanteak dituena baizik.
Elxeko Carrus auzoko kiroldegian egon da Sanchez, orain dela bi aste Susana Diaz izan zen toki berean. 1.500 bat pertsonak egin dute bat Sanchezekin, eta jasotako 53.000 abalak eskertu ditu.
Lopez: "PSOE batzeak ez du esan nahi erdia beste erdiaren kontra jartzea"
Patxi Lopezen esanetan, "PSOE batzea ez da alderdiaren barruan bi bloke sortzea, bata bestearen aurka jartzeko", ezta "erdia batzea beste erdiaren aurka egiteko". Lehendakari ohiak defendatu du "sozialismo guztia bildu behar dela, PSOE berreraikitzeko".
250 militantek hartu dute parte Valentziako PSPV-PSOE alderdiaren egoitzan. Horrez gain, Joan Calabuig Valentzia hiriko PSPVko idazkaria ere han izan da. Lopezek azaldu duenez, ez dago "minduta" Pedro Sanchezek harekin bat egitea publikoki eskatzeagatik.
Zure interesekoa izan daiteke
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.