Gerra Zibilean eraildako bizilagun bat omendu dute Urdiainen
Ana Ollo Nafarroako Gobernuko Herritarrekiko eta Erakundeekiko Harremanetako kontseilaria Urdiainen izan da gaur, bertako bizilaguna izandako Francisco San Roman Galbete zenaren gorpuzkiak bere familiari emateko ekitaldian parte hartzeko. San Roman Gerra Zibilean erail zuten, 1936an, eta Otsaportilloko osinean aurkitu zituzten haren gorpuzkiak.
Ana Ollok nabarmendu duenez, Nafarroako Gobernuak lagundu egin nahi die "euren senitartekoak desagertuta dituzten familiei egia ezagutzeko duten eskubidea bete ahal izan dezaten eta haien memoria duin bihur dezaten". Horretarako, gobernutik hainbat neurri hartu direla gogorarazi du, besteak bete, gorpuak lurpetik ateratzeko plana eta DNA banku bat abian jartzea.
Omenaldi ekitaldira hainbat bizilagun bertaratu dira, eta hasiera emateko Udalak adostutako adierazpen instituzional bat irakurri dute bai omendua oroitzeko, bai desagertuak aurkitu eta euren erailketak argitu aldera martxan jarritako ekimenei babesa emateko.
Horrez gain, gorpuak lurpetik ateratzeko ardura duen Aranzadi Zientzia Elkarteko Paco Etxeberria auzitegiko medikuak ere esku hartu du, Ana Ollorekin batera. Ollok azpimarratu duenez, San Romanen familiak "ez du bere memoria albo batera utzi 81 urte hauetan eta bere bilaketari eutsi diote".
Horrenbestez, gertatutakoaren memoriak "etikoagoa, bidezkoagoa eta errespetuzkoagoa den gizartea" eraikitzen lagunduko duela espero du. Adierazi duenez, senitartekoek erakundeen babesa jaso dezatela nahi du Foru Gobernuak, "egindako bidegabekeria ahal den neurrian konpontzeko".
Ekitaldiaren amaieran, Francisco San Romanen familiari haren senidearen gorpuzkoak eman dizkiete kaxa baten barruan.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.