Abstentzioa eta 'bozen porrota' egotzi diote elkarri Diazek eta Sanchezek
Alderdi Sozialista zuzentzeko barne prozesuaren baitan, eztabaida izan dute gaur hiru hautagaiek: Pedro Sanchez PSOEko idazkari nagusi ohiak, Susana Diaz Andaluziako presidenteak eta Patxi Lopez diputatu eta lehendakari izandakoak. Eztabaida mikatza izan da, batez ere Sanchezen eta Diazen artekoa. Rajoyren inbestidura ahalbideratu izana leporatu dio buruzagi ohiak Andaluziako presidenteari, eta hauteskundeetan "inoizko porrotik handiena" izatea Diazek Sanchezi.
PSOE zuzentzeko hiru hautagaiak Ferraz kaleko egoitza nagusian bildu dira, eta euren asmoei buruzko eztabaida egin dute. Dena dela, Sanchezek eta Diazek hauteskundeen porrota eta abstentzioaren alde egin izana leporatu diote elkarri. Bestalde, iragana atzean utzi eta etorkizunari buruz hitz egiteko unea dela azpimarratu Patxi Lopezek.
Sanchezen "gorabeherak" kritikatu ditu Diazek
Andaluziako presidentearen hitzetan, Mariano Rajoyren inbestidura saioan abstentzioaren alde egin izana "erabaki zaila eta mingarria izan zen", baina sozialistek 84 ordezkari besterik ez dutenez ez zutela beste aukerarik nabarmendu du.
Gainera, Sanchezen "gorabeherak" kritikatu ditu Susana Diazek. Andaluziako presidentearen esanetan, idazkari nagusi ohiak bere interesen arabera aldatu du iritzia. Ildo horretatik, Podemosekin izandako jarrera eta lurraldetasunaren inguruan egindako proposamenak aipatu ditu adibide gisa. "Egunero ezinezkoa da Espainiari buruzko ikuspegi desberdin bat izatea, are gutxiago 19; autonomia erkidego bakoitzarentzat bana", leporatu dio Diazek.
Alderdi Sozialista zuzentzeko hiru hautagaiak, eztabaida hasi aurretik. Argazkia: EFE
Iraganeko jarrera eta esaldiak gogora ekarriz erantzun dio Sanchezek Susana Diazi. Hala, 2006an Estatutuaren alde bozkatu zuela esan dio, eta 2014an ‘nazioa’ zer den eztabaidatu zitekeela esan zuela.
Era berean, euskara, katalana eta galiziera ez direla azentuak eta hizkuntzak direla erantzun dio Sanchezek, eta Espainiako hizkuntza guztiak ezagutzeko gonbita egin dio.
Alderdi Sozialistaren idazkari nagusi ohiaren esanetan, "subiranotasun bakarra dago, Estatu bakarra; espainiarra". Hala ere, pluraltasuna onartu eta sendotu behar direla gaineratu du.
Etorkizunera begiratzea eskatu du Lopezek
Bestalde, sozialistentzat "herrialde bat nomenklatura bat izan beharrean aske bizi diren eta berdinak diren herritarren ituna" dela esan du Patxi Lopezek.
Halaber, iragana atzean utzi eta etorkizunari begira hitz egiteko unea dela azpimarratu du lehendakari ohiak. Hala, sozialisten artean liskarrak alde batera utzi eta eskuinari aurre egiteko balio duen bozka eman dezatela eskatu die militanteei.
Lopezen esanetan, Podemosekin akordioa bilatu beharrean edota akordioa norekin bilatu behar den erabakitzeko eztabaidatu beharrean, bere helburua Alderdi Popularra garaitzea da.
Diputatu sozialistaren hitzetan, sozialisten akordioak kontuan izanik ezin da alderdia definitu, eta berarekin bat datorrela erantzun dio Sanchezek.
Alabaina, hauteskunde kanpainan Sanchezek kontrako jarrera izan duela leporatu dio Lopezek. "Hori ez da egia Patxi", azpimarratu du Pedro Sanchezek. Dena dela, Podemosekin etengabe akordioa bilatzen ahalegindu dela esan dio Lopezek.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.