PPk Voxen esku utziko du Valentziako Gobernuaren etorkizuna, Mazonen dimisioaren ostean
Alberto Nuñez Feijoo eta Santiago Abascal PP eta Voxeko buruek, hurrenez hurren, telefonoz hitz egin dute astearte honetan. Genovako iturrien arabera, "tonu atsegin eta onean" aritu dira hizketan bi politikariak, baina, oraindik, mahai gainean izen-abizenik jarri gabe. Antza, bat etorri dira, iritzi baitiote lehentasuna "Valentziari egonkortasuna ematea" dela.
Valentziako Erkidegoan 229 hildako utzi zituen GOIDItik urtebetera, Carlos Mazonek dimisioa eman du Generalitateko presidente gisa. "Ezin dut gehiago", aitortu du PPko buruzagiak, eta Parlamentuko gehiengoak "arduraz joka dezan" eskatu du haren ordezkoa aukeratzeko.
Dimisioaren ostean, zalantzaz bete da agertoki politikoa: popularrak Voxen menpe daude botereari eusteko. 40 diputaturekin, PPk ez du presidente berria izendatzeko behar den gehiengoa, alderdi ultraeskuindarreko 13 parlamentarien babesik gabe.
PPk proposatzen duen pertsonak Voxen babesa izan beharko du presidente izateko. Aliantza hori gabe, Valentziako gorteek hauteskundeak deitu beharko lituzkete bi hilabeteren buruan hautagai bakar batek ere Ganberaren konfiantza lortzen ez badu.
Agertoki berri honetan, Alberto Nuñez Feijoo eta Santiago Abascal PP eta Voxeko buruek, hurrenez hurren, telefonoz hitz egin dute astearte honetan. Genovako iturrien arabera, "tonu atsegin eta onean" aritu dira hizketan bi politikariak, baina, oraindik, mahai gainean izen-abizenik jarri gabe. Antza, bat etorri dira, eta iritzi baitiote lehentasuna "Valentziari egonkortasuna ematea" dela.
Hain zuzen, erkidego horretako PPren lantaldeak Voxekin inbestidura akordioa negoziatuko du, beti ere, popularren zuzendaritza nagusiaren begiradapean. Miguel Tellado PPren idazkari nagusiak gaur bertan esan du akordioa laster iristea espero duela. Bere hitzetan, bi alderdiok beren interesak alde batera utzi eta herriaren interes orokorra lehenetsiko dute. Ziur agertu da Abascal ez dela hasiko "bazterrak nahasten".
Epeak eta izenak jokoan
Talde parlamentarioek azaroaren 19ra arteko epea dute hautagaiak aurkezteko.
Mazonen ordez Juanfran Perez Llorca PPk Valentziako gorteetan duen idazkari nagusia eta Maria Jose Català Valentziako alkatea daude, baina azken horrek azpimarratu du ez duela kargua hartuko.
Mazonek forudun eta jardunean jarraituko du
Mazonek baztertu egin du hauteskundeak aurreratzea, eta diputatu autonomiko izaten jarraituko du, baita forudun izaten ere. Halaber, jarduneko Consellaren buru izaten jarraituko du, haren ordezkoa aukeratu arte, azaroaren amaieran, ziurrenik.
Barne mailan, Valentziako PPk alderdiaren egituran adostasuna lortu nahi du. Buruzagi probintzial nagusiek Vicent Mompo Valentziako Diputazioko presidenteari babesa eman diote PPCV zuzentzeko, baina ezin izango du Generalitaterako hautagai izan, diputatu autonomikoa ez delako.
Zure interesekoa izan daiteke
ELAk Confebask epaitegian salatu du, "bere betebeharrean artean" gutxieneko soldata negoziatzea dagoela uste dutelako
Mitxel Lakuntza ELA sindikatuko idazkari nagusiak Euskadi Irratian adierazi duenez, "eskatzen duguna da epaile batek esatea Confebaski eseri behar duela gai honetaz". Gutxieneko soldata "gurekin negoziatzea bere betebeharren artean" dagoela azpimarratu du, gainera.
Santurtziko alkateak Segurtasun zinegotziari ardura guztiak kendu dizkio ustez azterketa bat filtratzeagatik
Santurtziko alkate Karmele Tubillak Sonia Lopez zinegotzian konfiantza galdu du, eta erabaki du bere karguarekin lotutako ardura guztiak kentzea, Udaltzaingoaren oposizio-prozesu batean izan litezkeen azterketa-filtrazioengatik.
Albiste izango dira: Lehendakariaren bidaia ofiziala Parisera, antiabortisten kontrako epaiketaren bigarren eguna eta Zelenski Madrilen
Gaurkoan Orain-en albiste izango direnen laburpena, bi hitzetan.
Demokraziaren aldeko borroka pil-pilean zebilen Euskadin Franco hil aurreko urteetan
Frankismoaren azken urteetan Euskadiko kaleetan bizi zen tentsio handia gogora ekarri dute Ramon Jauregui sozialistak, Tasio Erkizia ezker abertzaleko militante historikoak eta Gorka Knörr EAko eurodiputatu ohiak.
?fmt=png-alpha&qlt=80)
Marcos Vizcaya zendu da, Trantsizioan EAJko bozeramailea izandakoa
Carlos Garaikoetxea lehendakariaren aholkularia zela, Gernikako Estatutuaren negoziatzaile aktiboenetako bat izan zen, 1979an.
Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Bere aurkako atxilotze-agindua bertan behera uzteko eskatu dio Puigdemontek Konstituzionalari
Kataluniako presidente ohiaren defentsak azpimarratu duenez, "urteetan zehar" Puigdemontek "mugatuta izan du bere mugimendu askatasuna eta jarduera instituzionala, atxiloketa aginduen ondorioz, zeinaren baliozkotasuna juridikoki indargabetu duten Amnistiaren Lege Organikoak eta Auzitegi honek (Konstituzionala) zein Europako estandarrek".
Mazonek Kongresuan esan du ez zegokiola berari alerta mezua bidali erabakitzea
Pradas kontseilari ohiaren deiak erantzun ez bazituen mugikorra motxilan eduki zezakeelako izango zela azpimarratu du Valentziako Generalitateko jarduneko presidente denak Kongresuko ikerketako batzordean.
Arnaldo Otegik uste du Jaurlaritzak ez duela EH Bildurekin itunik nahi
Arnaldo Otegik uste du Eusko Jaurlaritzak ez duela EH Bildurekin itunik nahi. Are gehiago, horren atzetik erabaki politiko bat dagoela ziurtatu du Egun On saioan egindako elkarrizketan. Arnaldo Otegi EH Bilduko idazkari nagusiak adierazi du , gainera, "arinkeria handiarekin esaten direla gauza batzuk" eta "kontuz" aritu behar dela "zein adjektibo erabiltzen ditugun eztabaida politikoan". Bestalde, azpimarratu du Bingen Zupiriak adierazi zuela "Euskal Hintxek edo zaletuek deituta zegoen manifestazioa ez zegoela legeztatuta eta baimendua. Guk ez genuen esan gezurretan ari zela. Zuk pentsa dezakezu, agian gezurretan dago edo agian ez dauka datu hori ordu horretan".
50 urte Franco gabe: honelakoak izan ziren diktadorearen azken bost asteak
1975eko azaroaren 20an hil zen Francisco Franco, ia lau hamarkadatan Espainian gobernatu zuen diktadorea. Bere bizitzako azken asteetan ageriko egin ziren arazo mediko batzuen ondorioz hil zen, Espainia krisi politiko zein sozial sakon baten erdian zegoenean.