Ustelkeriaren aurkako fiskalburuak 'offshore' enpresa bat dauka Panaman
Manuel Moix Ustelkeriaren kontrako Estatuko fiskalburuak 'offshore' enpresa bat dauka Panaman, 2012tik, Infolibre egunkari digitalak gaur argitaratu duenez.
Informazio horren arabera, enpresa horren jabetza bere anaiekin konpartitzen du eta Moixi % 25a dagokio.
Duchesse Financial Overseas izeneko konpainia 1988an sortu zen eta Collado Villalban (Madril) dagoen txalet baten jabea da. 2012a arte, txalet hori Moixen gurasoena izan zen eta 500.000 eurotik gorako balioa dauka.
Moixek ez du oraingoz inolako azalpenik eman, baina bere bulegoaren atarian zain zituen kazetarien aurrean ondokoa adierazi du: "Etikoa da seme-alabek gurasoengandik oinordetzan hartzea".
Berri honek hautsak harrotu ditu eta Estatuko fiskalen hiru elkarteek "berehala azalpen sinesgarriak" eman ditzala exijitu diote Manuel Moixi.
"Ustelkeriaren kontrako buruzagiaren etika falta salatzen dugu, paradisu fiskal batean sozietate bat izateagatik, eta azalpenak exijitzen ditugu", adierazi du Twitter bidez Fiskal Progresisten Batasunak.
Fiskalen Elkarteak ere antzekoa esan du: "Azalpenak berehala eman behar ditu".
Fiskal Independente eta Profesionalen elkarteko bozeramaile Miguel Pallaresek "harrigarritzat" jo du albistea eta 24 orduko epea eman dio Moixi "azalpenak emateko" eta "gai nahasi hau" argitzeko dokumentazioa aurkezteko.
"Ustelkeriaren Fiskaltzaren buruzagitzan ezin da paradisu fiskal batetara lotutako pertsona bat egon; gizarteak ez luke horrelakorik ulertuko", azpimarratu du Pallaresek.
Bien bitartean, Mariano Rajoy Espainiako Gobernuko presidenteak esan du Moixengan konfiantza osoa izaten jarraitzen duela. Rafael Catala Justizia ministroak, berriz, uko egin dio gai horri buruz adierazpenak egiteari, "fiskalen zergei edo ondasunei buruzko informaziorik" ez duela argudiatuta.
Jose Manuel Maza Estatuko Fiskalburuak ere ildo berean hitz egin du eta esan du gertatukoaren xehetasunak ezagutu arte ez duela adierazpenik egingo.
Pedro Sanchez PSOEko idazkari nagusiak surrealistatzat eta lotsagarritzat jo du Ustelkeriaren kontrako fiskalburuak Panaman enpresa bat izatea eta kargutik kendu behar dutela erantsi du.
"Surrealista eta lotsagarria. Moixen ezin du minutu bat gehiago eman karguan", adierazi du Sanchezek Twitter bidez.
Gainera, Alderdi Sozialistak Rafael Catala Justizia ministroaren agerraldia eskatu du Kongresuan, auzi honi buruz azalpenak eman ditzan.
Pablo Iglesiasek ere lotsagarritzat jo du Ustelkeriaren kontrako fiskalburuak paradisu fiskaletan “interesak” izatea eta hau guztia Mariano Rajoyren kontrako zentsura-mozioa aurkezteko arrazoi bat gehiago dela esan du, "PPk instituzioak parasitatu ez ditzan".
"Lotsagarria da ustelkeriari aurre egin behar dionak, ustelkeria ez ikertzea eta Panama bezalako paradisu fiskaletan interesak izatea, Espainian zergak ordaindu beharrean", salatu du Podemoseko idazkari nagusiak.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.