PPrekin lortutako akordioak defendatu ditu EAJk
Andoni Ortuzar EAJko EBBko presidentearen ustez, PPrekin lortutako aurrekontuen inguruko akordioa "guztiz aldebikoa" da, eta "Euskadik berea" lortu du, hamar urte Madrilen ahaleginetan ibili ostean.
Horrez gain, ezker abertzalearen "Podemizazioa" salatu du; izan ere, Ortuzarren esanetan, "arreta gehiago jarri die Espainiako ezkerraren jokoei Euskadiren interesei baino". Era berean, "kanpaina zikina" egin dutela egotzi dio, "zaborrak, pintadak eta eskratxeak barne"; baina, hala ere, "Euskadik EAJri 'bai' esan" diola ohartarazi dio.
EAJk Arratiako Egunaren baitan Areatzan antolatutako ekitaldi batean hartu du parte Andoni Ortuzarrek, Itxaso Atutxa BBBeko presidentearekin. Ia mila afiliatu eta jarraitzaile bildu dira.
Ortuzar pozik agertu da Espainiako Gobernuarekin adostutako aurrekontu akordioari "euskal gizartearen gehiengoak" egin dion harrera onarekin. EAJko presidentearen iritziz, "erantzun horren erakusgarri dira egunotan argitaratutako inkestek utzitako datuak". Emaitza horien arabera, euskaldun gehienek EAJren ekintza politikoa eta Euskadiko Gobernuaren jarduera babestu dituzte.
"Akordioa ona da arlo materialari dagokionez, eta paregabea arlo politikoan. Lana eta lehiakortasuna ekarriko die gure enpresei, baita baliabide gehiago ere zerbitzu publikoentzat", defendatu du.
Hori dela eta, akordioaren aurkako jarrera erakutsi dutenek "ezin dutela edukiari buruz ezer esan" azaldu du. PPrekin eta Rajoyrekin sinatu dutelako baztertu dutela uste du Ortuzarrek.
Inkestak
Ortuzarrek egunotan kaleratutako inkestak aipatu ditu bere argudioa babesteko. "Izan ere, nahiz eta ezker abertzaleak egindako kanpaina zikina izan den, hiritarrek gugan erakutsi dute konfiantza", esan du.
Gizarteak "alderdiaren, erakundeen, udalen eta foru aldundien lana oso ondo baloratu dute, eta ildo berean lan egitea eskatu digute" gaineratu du. Jarraian ondorioztatu duenez, "Zer egin behar dugu? Berdin jarraitu, lanean jarraitu, Euskadirengatik bustitzen segi. Beste batzuk guztiari 'ez' esaten dioten bitartean, Euskadik 'bai' esan dio EAJri, eta EAJk 'bai' esan dio nazio honekin duen konpromisoari".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.