AHT errentagarria dela berretsi dute EAJk, PPk eta PSEk
Adifek EAEko Abiadura Handiko Trenaren 11 tuneletan larrialdiko irteerak egin beharko dituela jakiteak mahai gainean jarri du, berriro, eztabaida. Besteak beste, obra berriek izango duten 52 milioi euroko kostua izan dute hizpide, goizean, Radio Euskadiko tertulian. EAJk, PPk eta PSE-EEk AHT egitasmo errentagarria dela berretsi dute, eta, aldiz, EH Bilduk tren hori egiten "xahutzen ari diren dirutza" salatu du. Elkarrekin Podemosek, berriz, kontu-ikuskapena egitea eskatu du, AHTaren obrek EAEn izango duten benetako kostua zein den jakiteko.
Joseba Egibar legebiltzarkide jeltzaleak onartu du obrak "gehiegi" luzatzen ari direla, "atzerapenen ondorioz". Halere, Egibarrek azpimarratu du "beharrezkoa eta lehentasunezkoa" dela Abiadura Handiko Trena.
Iker Casanova EH Bilduko legebiltzarkideak, berriz, proiektua abian jarri zutenetik, "astakeriak bata bestearen atzetik" egin direla gaitzetsi du. Trena egiteko "xahutzen ari diren dirutza" eta lanek "ingurumenean eragiten ari diren kaltea" salatu ditu.
Beste alde batetik, segurtasun araudia betetzeko egin beharreko lanak zein neurriraino aurreikusi zitezkeen galdetu du Jon Hernandezek (Elkarrekin Podemos). Ildo horretatik, Abiadura Handiko Trena “ekonomikoki ezta sozialki ere” ez dela errentagarria azpimarratu du. Arrazoi horregatik, “denboran luzatzen ari den” azpiegitura horren benetako balioa ezagutzeko kontu-ikuskapena egitea eskatu du Hernandezek. “Bien bitartean, trenbide-zerbitzuak okerrera egin du azken urteotan, trenen eta zerbitzuen murrizketa dela eta”.
Europak araudi berria ezarri aurretik hainbat tuneletan larrialdiko irteerak eginak zeudela gogora ekarri du Alexia Castelo PSE-EE alderdiko kideak. Ondorioz, orain agindu horretara “egokitu” beharra dagoela esan du.
Azkenik, AHTaren lanak “espainiar guztien artean” ordainduko direla nabarmendu du Juana Bengoechea Alderdi Popularraren legebiltzarkideak. Hala, “interes orokorreko” azpiegitura bat dela ziurtatu du, eta euskaldunek soilik balio guztiaren % 6a ordaindu beharko dutela gaineratu du.
Zure interesekoa izan daiteke
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.