Txupinazoa jaurti aurretik ikurrina jarri dute udaletxeko balkoian
Sanferminetako txupinazoa jaurti aurretik Iruñeko Udaleko langileek ikurrina jarri dute udaletxeko balkoian, bosgarren mastan, gainontzeko banderekin batera: Iruñekoa, Nafarrokoa, Europar Batasunekoa eta Espainiakoa.
Zehazki, Nafarroako eta Espainiako banderen artean jarri dute bosgarren masta, txupinazoa jaurti baino minutu batzuk lehenago. DYAko ordezkariek 12:00etan jaurti dute jaiari hasiera ematen dion txupina.
Aurten, bertan behera geratu da Sinboloen Legea, eta, horrekin batera, sanferminetan udaletxeko balkoian ikurrina ez jartzeko UPNk egindako eskaera. Dena dela, balkoian ikurrina ipintzea ez dela "legezkoa" ziurtatu du Espainiako Gobernuak Nafarroan duen ordezkariak.
Ikurrina bosgarren mastan jarri ondoren, Iruñeko Udalak hartutako erabaki horren inguruko ohar bat argitaratu du. Ildo horretatik, txosten juridiko batek txupina jaurtitzen duten bitartean udaletxearen balkoian ikurrina jartzea baimentzen duela azpimarratu du Udalak.
Halaber, hiriaren “aniztasuna” aitortzeko helburuarekin Nafarroako banderaren ondoan bosgarren manda jartzea erabaki dutela ziurtatu du Udalak.
Joseba Asiron Iruñeko alkateak ikurrina balkoian jartzearen alde agertu da, Sinboloen Legea bertan behera geratu ostean, eta neurri horri esker “Nafarroako sentsibilitate guztiak ordezkatuta” ikus daitezkeela nabarmendu du.
Hala, araudia aldatu izanak ikurrina udaletxearen balkoian jartzea ahalbidetzen duela ziurtatu du.
Erabaki horren kontra helegitea jarriko dute
Udalak balkoian ikurrina jarri eta minutu batzuk geroago, administrazioarekiko auzi-helegitea aurkezteko asmoa duela iragarri du Espainiako Gobernuak Nafarroan duen ordezkariak, erabaki horrek indarrean dagoen legea ez duela errespetatzen iritzita.
Zure interesekoa izan daiteke
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".