Jaurlaritzak eta Espainiako Gobernuak bake fiskala sinatu dute, 5 urterako
Eusko Jaurlaritzak eta Espainiako Gobernuak 2017-2021 Kupoaren Legea sinatu dute asteazken arratsaldean, bake fiskala bost urterako bermatuta. Horrenbestez, Kupoa 1.300 milioi eurokoa izango da aurten.
"Posible izan da Euskadirentzat bake fiskala adostea eta bermatzea", txalotu du Pedro Azpiazu Eusko Jaurlaritzako Ogasun sailburuak, Cristobal Montoro ministroarekin batera eskainitako prentsaurreko batean.
Azpiazuren esanetan, joan den astean adostutako eta gaur sinatutako akordioak "egonkortasuna" ekarriko du zerga eta finantzen alorrean.
Gainera, gogorarazi du Jaurlaritzak eta Espainiako Gobernuak bi hilabetean sinatutako bigarren akordio handia izan dela.
Akordioaren ildo nagusiak
Eusko Jaurlaritzak eta Espainiako Gobernuak adostuta, Kupoa 1.300 milioi eurokoa izango da 2017an, eta inputazio maila % 6,24koa izango da bosturteko honetan. Era berean, datozen hiru urteotarako defizit helburuak zehaztu dituzte: % 0,4koa 2018an, % 0,1ekoa 2019an eta % 0,0koa 2020an.
Energia elektrikoaren ekoizpenagatik Euskal Autonomia Erkidegoak Estatuari ordaintzen dion zerga dela eta, 40 milioi euroko konpentsazioa jasotzea ere adostu dute.
Halaber, enplegu politika aktiboak konpentsatu behar dira; 2017an, oraingoz, 225 milioi euro inguru bideratu dira horietara. Kopuru horri, alkohol, edari eratorri eta bitarteko produktu, garagardo, hidrokarburo eta tabakoagatik egin beharreko konpentsazioak ere gehitu behar zaizkio: 86 milioi euro, guztira.
Bestalde, Kontzertu Ekonomikoaren 20 artikulu aldatu dituzte, "foru aldundiek zergak kudeatzeko duten eskumenak eta administrazioen arteko koordinazioa hobetzeko asmoz".
Horrez gain, hirurtekorako zor publikoa % 14,2koa izango da 2018rako, % 13,8koa 2019rako eta % 13,2koa 2020rako.
Kontzertu Ekonomikoaren Batzorde Mistoa gaur, uztailak 19, bildu da. Pedro Azpiazu Ekonomia eta Ogasun sailburuak agerraldia egin du akordioaren inguruko xehetasunak emateko.
Azpiazuren esanetan, "ituna garaipen ekonomiko eta politikoa da, eta Euskadiri oreka emango dio".
"Estatuarekin finantzazio harremana normalizatzeko eta bi administrazioen kudeaketa zailtzen duten zenbait egoera erregularizatzeko beste urrats bat da", erantsi du.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.