Erabakitzeko eskubidea aldarrikatu dute milaka pertsonak Bilbon
30.000 lagun inguru, Udaltzaingoaren zenbaketen arabera, bildu dira larunbat arratsalde honetan Bilbon Kataluniako erreferenduma babesteko Gure Esku Dago plataformak deitutako deialdiarekin bat egiteko asmoz. Manifestazioa 17:30ean abiatu dute, Casilla plazatik abiatuta, 'Demokrazia. Bozkatu erabakitzeko' lelopean.
Autonomia kalea, Hurtado Amezaga eta plaza Biribila zeharkatu ondoren, Udaletxe parean eman diote amaiera manifestazioari, ekitaldia batekin. Angel Oiarbide eta Zelai Nikolas Gure Esku Dagoren bozeramaileek eraman dute pankarta, Iñaki Goirizelaia EHUko errektore ohiarekin, Maite Aristegi nekazal-sindikalistarekin eta Jesus Uzkudun CCOOko kidearekin batera.
Datorren urriaren 1erako indar independentistek deitutako erreferendumari babesa adierazi nahi izan dio Gure Esku Dago erabakitzeko eskubidearen aldeko plataformak, eta martxa hori eragile sozial, politiko eta ekonomiko askok babestu nahi izan dute.
Atxikimenduak
Hala, Arabako, Gipuzkoako eta Bizkaiko presidenteak bidali ditu EAJk (Itxaso Atutxa, Joseba Egibar eta Jose Antonio Suso), hiru ahaldun nagusiak (Unai Rementeria, Ramiro Gonzalez eta Markel Olano), eta Juan Mari Aburto Bilboko alkatea. Aitzitik, ez da Eusko Jaurlaritzaren, PSEren, Ahal Duguren edo PPren ordezkaririk izan. EH Bildu (Arnaldo Otegi buru izanda) eta Sortu ere bertan izan dira.
Sindikatuei dagokienez, ELA eta LABeko idazkari nagusiak izan dira (Txiki Muñoz eta Garbiñe Aranburu, hurrenez hurren); bestalde, Patxi Zabaleta Aralarreko buruzagiak, Peio Urizar EAko idazkari nagusiak eta Laura Mintegi lehendakarigai izandakoak, besteak beste, parte hartu dute.
Gure Esku Dago plataformaren bozeramaileek adierazi dutenez,
Gaur Bilbon izandako manifestazioaren burua. Argazkia: Twitter Gure Eskude Dago
'Erabaki askearen bidea'
Ibilbidean zehar independentziaren aldeko oihuak entzun dira, eta ikurrinak eta esteladak nonahi ikusi dira, baita 'erabaki nahi dugu' hitzak zekartzaten kartelak.
Autonomia eta Hurtado Amezaga kaleak zeharkatu ostean, ekitaldia 19:30ean amaitu da, Bilboko Udaletxe parean, eta Gure Esku Dago plataformaren bozeramaileek agiria irakurri dute, euskaraz, gaztelaniaz, frantsesez eta ingelesez.
"Bideak bide, guk ere gure buruaren jabe izan nahi dugu. Ez gara hutsetik abiatzen, baina oraindik lan asko dago egiteko. Guztion konpromisoarekin, borondateak ehunduz, erabakiaren bidean sakonduz, bestelako etorkizun bat irudikatuz, auzolanean, elkarrekin amestuz. Ez dira begira egoteko garaiak, lanerako eta sormenerako garaiak baizik", adierazi dute. Gainera, Euskal Herriaren etorkizuna ere "jokoan" dagoela ohartarazi dute.
Gorka Knörren 'Agure Zaharra' abestiarekin amaiera eman diote ekitaldiari.
EAJ
Itxaso Atutxa buruzagi jeltzaleak adierazi duenez, "Katalunia nazio bat da, eta eskubide politikoak ditu. Askatasunez bere etorkizuna erabakitzeko eskubidea dauka eta, noski, erreferenduma deitzeko Kataluniako erakundeek legimitate osoa dute".
Atutxak gaineratu duenez, urriaren 1ean "bere Gobernuak deitutako erreferendumean askatasunez parte hartu beharko lukete katalanek. Demokratikoki Kataluniak eskatzen ari dena bermatu beharrean, bere erabakia eta borondatea zapuzten ari da Espainiako Estatua".
EH Bildu
Bestalde, Jasone Agirre EH Bilduren legebiltzarkideak "Bilboko kaleak jendez bete izana" txalotu du, horrek agerian utzi baitu "demokraziaren alde daudela, oinarrizko eskubidea den erabakitzeko eskubidearen alde daudela, alegia". Gainera, "Espainiako Estatuaren jarrera antidemokratikoa" salatu du. Agirreren iritzian, "Kataluniakoaren antzera, hemen ere bide bera egiteko baldintzak ematen ari direla erakutsi du" martxak.
LAB
Garbiñe Aranburu LABeko idazkari nagusiak azpimarratu duenez, "erabakitzeko eskubidea defendatzen duen orok urriaren 1eko erreferenduma babestu beharko luke, kontrakoa Espainiar Estatuaren alde egotea litzakeelako". Gauzak horrela, LABeko idazkari nagusiak sindikatu horren "elkartasun osoa" adierazi du. "Miresgarria da Katalunian egiten ari diren ibilbidea, independentziara erakusten ari diren determinazioa", gaineratu du.
Esteladak nonahi, manifestazioaren ibilbidean. Argazkia: EFE
Forcadellen mezua
Carme Forcadell Kataluniako Parlamentuko presidenteak eskerrak emateko mezua helarazi die Bilboko martxan parte hartu duten milaka lagunei. "Euskadiko lagunak, eskerrik asko erreferendumari erakutsitako babesagatik; guretzako oso garrantzitsua da zuen babesa izatea, era baketsuan eta demokratikoki gure etorkizuna erabaki ahal izateko", esan du Forcaldellek manifestazioaren amaieran entzundako mezuan. "Ideien eztabaida zigortu nahi duten Estatu batean ez dago demokraziarik", nabarmendu du.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.