Urkulluk bitartekari lanak egin ditu Kataluniak bizi duen egoeraren harira
Iñigo Urkullu lehendakaria idatziz zein telefono bidez izan da harremanetan Rajoy eta Puigdemontekin ostiralera arte, bi agintarien artean elkarrizketaren bidea irekitzeko ahaleginean. Alabaina, ordu batzuk besterik ez dira falta erreferendumerako, eta Moncloaren eta Sant Jaumeren arteko harremanak guztiz etenda daude orain.
Azken hilabete honetan mezu bera behin baino gehiagotan errepikatu du Iñigo Urkulluk. Urriaren 1a iritsi aurretik elkarrizketarako eta harremanak bideratzeko denbora bazegoela berretsi du. Hainbatetan luzatu die eskua bi agintariei; tentsio handieneko egunetan, hauteskunde-kanpainan eta Fiskaltzak Generalitatearen aurkako neurriak hartu dituenean. Kataluniako egoerari irtenbide bat bilatzeko prest daudela erakutsi dute EAJk eta lehendakariak, publikoki zein pribatuan, eta, ahalegin horretan, azken egunotan bi aldeekin harremanetan egon da Urkullu.
Radio Euskadik larunbat goiz honetan aurreratu duenez, Urkulluk eta Puigdemontek telefono bidez hitz egin dute aste honetan. Halaber, lehendakariak Rajoyrekin hitz egin du galdeketa normaltasunez egin ahal izateko eta eraikitako zubiak ez apurtzeko. Bi aldeek ez dute elkarrizketa horien inguruko xehetasunik eman nahi izan. Urkulluk irekitako bide horrek ez du emaitza zehatzik lortu oraindik, baina urriaren 2tik aurrera batak edo besteak bere jarrera aldatu beharko du. Dena dela, Moncloatik berretsi dute urriaren 1etik aurrera Puigdemont eta Junqueras ez direla irtenbide bat bilatzeko balizko bitartekariak izango. Horren aurrean, Urkulluk elkarrizketaren aldeko ahalegina indartuko du bihartik hasita.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.