Independentzia 'datozen egunotan' aldarrikatuko duela esan du Puigdemontek
Kataluniaren independentzia "datozen egunotan" aldarrikatuko duela adierazi du Carles Puigdemont Generalitateko presidenteak bart, BBCn egin dioten elkarrizketa batean. Gainera, Espainiako Gobernuarekin ez dutela inolako harremanik jakinarazi du.
Kataluniako presidenteak gaineratu duenez, Espainiako Gobernuak esku hartuko balu, "dena aldatuko lukeen hanka-sartzea litzateke".
Puigdemontek Felipe VI.a Espainiako erregeak adierazpena egin baino lehen hitz egin du BBCrekin. Erregeak "desleialtasun onartezina" erakutsi izana egotzi die Kataluniako agintariei bere agerraldian.
Espainiako erregearen esanetan, Katalunian "egoera larria" dago, eta, horren aurrean, "Estatuaren botere legitimoek ordena konstituzionala, Zuzenbide Estatua eta eskualde horren autogobernua bermatu behar dituzte".
Puigdemonten iritzian, baina, "Espainiako Gobernuak esku hartuko balu Kataluniako Gobernuaren kontrola hartzeko, dena aldatuko lukeen hanka-sartzea litzateke".
Halaber, "oso etsigarria" izan da erreferendumean Espainiako Poliziak erabilitako indarkeriaren aurrean Europar Batasunak izan duen erreakzioa.
Bestalde, astelehenean Europako Batzordeak egindako adierazpenarekin ez dagoela ados esan du, Kataluniako gertaerak "Espainiaren barne kontu bat" direla adierazi baitzuen EBk.
Puigdemontek jakinarazi du gaur egun ez dagoela inolako harremanik Mariano Rajoyren Gobernuaren eta Kataluniako Generalitatearen artean.
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".