Podemos Euskadik 155.aren kontrako manifestazioan parte hartuko du Bilbon
Podemos Euskadik dei egin die euskal herritarrei azaroaren 4an, larunbatarekin, Bilbon egingo den manifestazioan parte hartzera, "Demokrazia eta Erabakitzeko Eskubidea" lelopean, Oriol Junqueras Kataluniako presidenteorde kargugabetua eta Kataluniako Gobernuaren zazpi kontseilari kargugabetuak kartzelatzeko erabakiaren aurka. Podemos Euskadik mobilizazio plurala eta bateratuaren aldeko apustua egin du, "bai eta eskubide zibil eta politikoak defendatzeko fronte komun baten aldekoa ere".
Agiri baten bidez, alderdiak esan du "tristura handiz" ari dela ikusten "Katalunian zer ari den gertatzen". "Junqueras eta beste zazpi kontseilari kargugabetuak kartzelan sartu izana, Auzitegi Nazionalak aginduta, oso larria iruditzen zaigu; izan ere, kartzelatze horren arrazoiak politikoak dira, ez juridikoak".
Podemos Euskadiren iritziz, "Zuzenbide Estatu batean ez da zertan halakorik gertatu". "Gaur, gure elkarbizitzak eta gure demokraziak, 155. artikulua aplikatu zutenean bezala, edo Kataluniako autogobernua bertan behera utzi zutenean bezala, beste kolpe bat jasan dute", azaldu du.
"Neurri errepresiboak bakarrik ulertzen dituztenek emandako kolpea"
Podemos Euskadiren arabera, "neurri errepresiboak bakarrik ulertzen dutenek" eman dute kolpe hori: "Mariano Rajoyren Gobernuak agindutakoari jarraitzen diote, PSOEren oniritziarekin". "Inboluzio demokratikoa ari da gertatzen, eta hori arbuiatu nahi dugu; Oriol Junqueras eta Kataluniako Gobernuko zazpi kide kartzelara eramateak erakusten du inboluzio hori. Guztiz arbuiatzen dugu neurri hori; gauza bera egin genuen 155.aren aplikazioarekin, eta Kataluniako autonomia bertan behera utzi zutenean".
Hori dela eta, Podemos Euskadik jakitera eman du larunbateko manifestazioan parte hartuko duela, iraileko 30ekoarekin ere bat egin zuen moduan. Manifestazioa hauek deitu dute: EH Bildu, ELA, LAB, ESK, Stee-eilas, CNT, Etxalde, EHNE eta Gure Esku Dago.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.