200 bat alkatek Kataluniako egoera azalduko dute gaur Bruselan
Kataluniako 200 bat alkate Bruselara joan dira gaur, asteartea, "aurrez aurre" Kataluniak bizi duen egoera azaltzeko, Generalitatearen hainbat kargu kartzelan sartzeko eta 155. artikulua aplikatzeko erabakia dela eta.
Hala azaldu dute Catalunya Radion Miquel Buch Premia de Marreko alkate eta Associació Catalana de Municipis (ACM) elkarteko presidenteak, eta Neus Lloveras Vilanova i la Geltruko alkate eta Associació de Municipis per la Independència (AMI) elkarteko presidenteak.
Bruselara joateko erabakia ostiralean bi elkarteek egindako bilera batean erabaki zuten. Buchek azaldu duenez, hegazkin oso bat beteko dute hiriburu belgikarrera joateko 200 bat alkaterekin, baina bikoitza ere izan zitezkeela zehaztu du.
"Bihar bertan goaz eta bihar bertan itzuliko gara", esan zuen Lloverasek. Buchek, aldiz, baieztatu du burujabetzaren aurkako indarkeria poliziala, judiziala eta politikoa dagoela, eta horrek arrazoia ematen die Kataluniako independentziaren aldeko alderdiei.
Foto de família dels alcaldes i alcaldesses a punt de sortir en avió cap a Brussel.les #mayorsforfreedim pic.twitter.com/oKGYnF2MQ9
— Ass. Cat. Municipis (@ACM948) 7 de noviembre de 2017
Fiskaltzak kereila aurkeztu zuen Lloveras, Buch eta ehunka alkate katalanaren aurka, urriaren 1eko galdeketaren antolakuntzan parte hartzeagatik.
Horiez gain, Empresaris de Catalunya independentziaren aurkako enpresarien elkartea ere izango da gaur Bruselan. Parlamenturako hauteskundeen deialdiaren ondoko egoeraz hitz egingo du. Gainera, Kataluniako enpresek "Espainiako eta EBko esparru juridiko egonkor" baten alde egiten dutela.
12:30ean egingo dute prentsaurrekoa, Europako Parlamentuko areto batean. Josep Bou entitateko presidenteak, Carlos Rivadulla presidenteordeak eta zenbait eurodiputatuk hartuko dute hitza, elkarteak ohar baten bidez zabaldu duenez.
Zure interesekoa izan daiteke
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.
Chivitek agerraldia egingo du asteazkenean Nafarroako Parlamentuan, Belateko obren geldialdia dela eta
Legebiltzarreko Mahaiak premiazko bilkura finkatu du oposizioko hainbat taldek eskatuta, lanak erabat geldirik daudela eta 8,5 milioiko gainkostuaren ordainketa juridikoki blokeatuta dagoela.
Donostiak lore eskaintza batekin omendu ditu frankismoaren biktimak Memoria Historikoaren Egunean
Jon Insausti alkateak ekitaldian azpimarratu du "Donostia erreferentea da memoria demokratikoan", eta berretsi du gerraren eta diktaduraren ondorioz indarkeria, errepresioa eta erbestea jasan zutenei errekonozimendua eta ordaina emateko konpromisoa dutela.
Segurtasunaren gaineko azterketa sakona aldarrikatu du Diez Antxustegik, alarmismoetatik aldenduz
ETB1eko "Egun on Euskadi" saioan egin dioten elkarrizketan, Joseba Diez Antxustegi EAJren Eusko Legebiltzarreko bozeramaileak adierazi duenez, beharrezkoa da EAJk eta PSEk eskatutako batzar monografikoa egitea.
Lander Martinez: "Egia da aurrekontuak aurkeztu egin behar direla, eta gu horretan tinko egongo gara"
Sumarreko diputatuak Euskadi Irratiko "Faktoria" saioan nabarmendu du PSOEri beren eskariak mahai gainean jartzeko lanean ari direla. "Aurrekontuak aurrera joaten ez badira, pentsatu beharko dugu zer egin, baina aurrera ateratzen ditugun gauzekin uztailera arte heltzeko moduan gaude", adierazi du.
Pradalesek "erantzukizuna" eskatuko die alderdiei ostegun honetan, nazioartean dagoen ziurgabetasunari aurre egiteko
Lehendakariak gatazka geopolitikoen, inflazioaren eta eraldaketa teknologikoaren testuinguruan kokatuko du politika orokorreko osoko bilkura, eta euskal eredua defendatuko du zerbitzu publikoak, ekonomia eta ongizatea indartzeko bide gisa.
Eusko Legebiltzarreko politika orokorreko osoko bilkura, zuzenean
09:30etatik aurrera, Eusko Legebiltzarrak ikasturte politikoari hasiera emateko osoko bilkura egingo du.
Albiste izango dira: lehendakaria ELArekin eta LABekin bilduko da, oposizioak irabazi du Suedian eta Euskal Zinemaren Galaren aurkezpena
Gaurkoan Orain-en albiste izango direnen laburpena, bi hitzetan.
Pradalesek gehiengo sindikala hartuko du gaur, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.