Podem alderdia Catalunya en Comurekin aurkeztuko da hauteskundeetan
Podem Catalunya alderdia Catalunya en Comurekin batera koalizioan aurkeztuko da abenduaren 21eko hauteskundeetan. Pablo Iglesias buru duen Podemosek bultzatutako galdeketan, parte-hartzaileen % 72k bozkatu dute koalizioaren alde.
Azaroaren 1etik gaur arte egindako galdeketan 17.379 pertsonak parte hartu dute —Podemen oinarri sozialaren % 60—, eta parte-hartzaileek galdera honi erantzun behar izan diote: "Nahi al duzu abenduaren 21eko hauteskundeetan Podem Catalunya en Comurekin eta ez independentzia deklarazioa ez 155. artikuluaren aplikazioa babesten duten beste indar politikoekin koalizioan aurkeztea?".
Parte-hartzaileen % 72k (12.432 boto) Catalunya en Comurekin koalizioan aurkezteren alde egin dute eta % 28k (4.876 boto), ostera, kontra. Podem Catalunyako zuzendaritzak Podemosen esku hartze gisa ikusi du galdeketa antolatu izana, eta Albano-Dante Fachin Podemeko idazkari nagusiak eta Kataluniako Hiritarren Kontseiluko zortzi kidek dimisioa eman dute.
Podemeko errolda osoa 56.795 pertsonakoa da, baina azken urtebetean Podemeko bozketaren batean parte hartu dutenak bakarrik aintzat hartuta, 28.776 dira. Azken urtebetean "aktibo" egon diren horiek kontuan izanda, beraz, parte-hartzea % 60koa izan da.
Podem Catalunyako Hiritarren Kontseiluko zortzi kidek dimisioa eman dute
Podem Catalunyako Hiritarren Kontseiluko zortzi kidek dimisioa eman dute gaur, Estatuko Hiritarren Kontseiluak dimisioa eman berri duen Albano-Dante Fachin Podemeko idazkari nagusiari emandako "tratuaren" kontrako protesta gisa. Halaber, Estatuko Podemoseko zuzendaritzak inposatutako galdeketak berme demokratikorik ez zuela salatu dute.
Dimisioa eman dutenen zortzi kideak hauek dira: Angels Martinez, Ekonomia idazkaria; Laura Haba, Udalgintzako idazkaria; Alberto Quiñones, Komunikazio arduraduna; Paulino Garcia, Osasungintzako arduraduna; Susana Rodriguez, Tarragonako Antolakuntza idazkaria; Mireia Palau, Kataluniako Hiritarren Kontseiluko kidea; J.Vicent Pruñonosa, Hezkuntza arduraduna, eta Pablo Daglio Udalgintzako arduraduna.
Dimisioa eman duten zortzi kide horietatik zazpi Albano-Dante Fachinen zerrendan aurkeztu ziren eta, zortzigarrena, Pruñonosa, Jèssica Albiach SiQueEsPoteko diputatuaren zerrendan.
endan.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.