EAJk ez ditu aurrekontuak negoziatuko Kataluniaren egoera politikoa normalizatu arte
Itxaso Atutxa EAJren BBBko presidentearen hitzetan, "baretasun politikoa" falta da Estatuko Aurrekontu Orokorren proiektua negoziatzeko, eta ildo horretan, "Kataluniako egoera" erabatekoa izan dela gaineratu du.
Izan ere, Kataluniako "egoera politikoaren normalizazioa urrun" dagoela gogoratu du Atutxak, alde batetik, Carles Puigdemont Bruselan baitago, eta bestetik, Kataluniako hainbat ordezkari oraindik kartzelan daudelako.
Bestalde, Estatuko aurrekontuek EAJren laguntza izateko "Euskadiren interesak" defendatu behar dituztela esan du Atutxak astearte honetan, Radio Euskadiko Boulevard saioan egindako elkarrizketan.
Katalunia eta 155. artikulua
Konstituzioaren 155. artikuluaren aplikazioaren harira, Atutxak esan du "legitimitatez aplikatu" zela, eta aurrekaria ezarri duela, "beste lurralderen batean aplikatua izan daitekeelako eta hori etorkizunerako mehatxu argia baita".
"Abenduaren 21eko hauteskundeen ostean Kataluniako egoera irauli egingo zela pentsatzen zuen norbait badago, ez ditu katalanak entzun edo errealitatetik kanpo dago", esan du Atutxak.
Ildo horretan, hauteskundeen datuak aztertuta, "egia da independentistak ez dutela % 50 bereganatzen, baina Kataluniako borondatea argia da, eta herritarren ia % 50 independentziaren alde daude eta hor jarraituko dute".
Politika egitearen garai dela aitortu du, eta egoera konpontzeko "elkarrizketa" bide bakarra dela argitu du. Horrela, negoziatzeko borondatea eskatu die alde biei; eta Gobernuari, 155. artikulua ez den beste zerbait ere.
Autogobernu lantaldea
Erabakitzeko eskubideari buruzko eztabaida egiteko Autogobernu Lantaldearen bileren egoera ona azpimarratu du Atutxak, eta ildo horretan, EAJren jarrera defendatu du, alderdia ez baitago horren inguruko eztabaida bi mahia ezberdinetan zatitzearen alde. "Eztabaidatzen ari garenaz oso urrun ikusten dudan alderdi bakarra PP da ", esan du.
Horren harira, lehen hiruhilekoan autogobernuaren oinarri berriak adostea espero duela esan du, adituek testu artikulatua izan dezaten eta 2018. urtea bukatu aurretik Legebiltzarrean lege edo lege proposamen moduan aurkeztu ahal izateko.
Azkenik, laster hasiko den Alfredo de Miguelen auziko epaiketaren harira galdetuta, "bidegabe" luzatu egin dela salatu du, batez ere, "EAJ erasotzeko asmo argia" izan dutenen artean.
Ildo berean, epaiketa hori ikuskizun mediatikoa bihurtu ez dadila espero du, "argi gelditu baita aske eta kargurik gabe geldituko diren lagun asko daudela", gaineratu du.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.