Agus Hernan: 'Egindako mina onartzeko prest daude presoak'
Agus Hernan Foro Sozial Iraunkorreko koordinatzaileak Radio Euskadin azaldu duenez, "egindako mina onartzeko ez ezik, biktimekin hitz egiteko testuinguru egokiak ezartzeko prest ere agertu da" Euskal Preso Politikoen Kolektiboa (EPPK). Radio Euskadiko 'Boulevard' saioan adierazitakoaren arabera, Jon Olarra Guridi presoen kolektiboko bozeramaileetako batekin bildu dira Granadako kartzelan. EPPK-k Foro Soziala alderdi politikoekin eta Hegoalde sindikatuarekin izaten ari den elkarrizketetan parte hartzeko duen borondatea erakutsi duela zehaztu du. "Taldeak kolektibo gisa duen asmoa oso garbi geratu da", gaineratu du Hernanek. Hala, presoak espetxetik ateratzeko "zentzuzko epeak dituen bide orri" baten aldeko iritzia erakutsi du EPPK-k.
Hernanen esanetan, "biktimekin adostutako elkarrizketa marko batean onartuko lukete egindako mina; hitz egitea helburu duten markoetan, elkarri ezer leporatu gabe". Esate baterako, herrietako elkarbizitza foroak ipini ditu adibide gisa, Errenterian eta Lasarten garatu dituzten esperientziak, kasu. "Marko egokiez hitz egiten dutenean, 'Nanclares bidean' izandako topaketak baztertu dituzte", zehaztu du.
Horrez gain, presoak espetxe-onurez gozatzeko urratsak ematen ari direla jakinarazi dio EPPK-k Foro Sozialari. "Hogei kartzelatan baino gehiagotan eskatu dute espetxean bertan lan egitea", azpimarratu du Hernanek; "orain arte aukeratu ez duten bidea, alegia". Halaber, preso gehienek lehen gradutik bigarrenera igarotzeko aukera eskatu dutela azaldu du, nahiz eta eskariak ez dizkieten onartu.
Azkenik, Agus Hernanek iragarri duenez, mahai-ingurua antolatu dute ostegunean Bilboko Abokatuen Elkargoan, 'Espetxe-politika berria, garai berri baterako' lelopean, eta EAEko alderdi guztiak gonbidatu dituzte. PPren erantzunaren zain, Eusko Legebiltzarrean ordezkaritza duten alderdi guztiek hartuko dute bertan parte.
Zure interesekoa izan daiteke
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.